पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
मोरङ – झापा र मोरङका दुई ठाउँमा खोलाले बगाएर दुई जनाको ज्यान गएको छ ।
झापाको कमल गाउँपालिका ५ का ३५ वर्षीय पुष्प राईको खोलाले बगाएर ज्यान गएको हो । चाजु खोला र रतुवा खोलाको दोभानमा बाढीले बगाएर ल्याएको दाउरा निकाल्ने क्रममा खोलाले बगाएर बेपत्ता भएका राईकाे शव खोलाको डिलमा भेटिएको इलाका प्रहरी कार्यालय दमकले जनाएको छ ।
यसैगरी मोरङको कटहरी गाउँपालिका ७ का प्रद्युम्न सरदारकाे ६ वर्षीया छोरी दीक्षा सरदारको जुडी खोलामा पौडी खेल्ने क्रममा खोलाले बगाएर ज्यान गएको प्रहरीले जनाएको छ ।
करेन्ट लागेर दुई जनाकाे ज्यान गयाे
झापा र मोरङमा करेन्ट लागेर दुई जनाको ज्यान गएको छ । झापाको मेची नगरनगरपालिका १४ का २७ वर्षीय चक्रबहादुर भुजेलको करेन्ट लागेर ज्यान गएको हो । घरमा वायरिङका तारहरु सङ्कलन गर्ने क्रममा अचानक करेन्ट लागेर घाइते हुनुभएका भुजेललाई झापाको बी.एण्ड.सी. अस्पताल पठाइएकोमा उपचारको क्रममा ज्यान गएकाे इलाका प्रहरी कार्यालय धुलाबारीले जनाएको छ ।
यसैगरी मोरङको रतुवामाई नगरपालिका ९ का ३२ वर्षीय खेमबहादुर भुजेलको करेन्ट लागेर ज्यान गएको प्रहरीले जनाएको छ । बिजुलीको पोलमा रहेको वाइफाईको तारलाई बाँसले मिलाउने क्रममा अचानक करेन्ट लागेर ज्यान गएको इलाका प्रहरी कार्यालय उर्लाबारीले जनाएको छ ।
त्यही घटनामा घाइते हुनुभएकी भुजेलकी श्रीमती ३० वर्षीया कला भुजेलको नोबाेल अस्पताल विराटनगरमा उपचार भइरहेको छ ।