प्रदेश १ मा ५१ प्रतिशत रोपाइँ सकियो, समयमै पानी पर्नु मुख्य कारण

असार २१, २०७७ आइतबार १८:५८:४८ | सुमन तिमल्सिना

मोरङ – प्रदेश १ मा असार २१ गतेसम्म ५१ प्रतिशत रोपाइँ सकिएको छ । प्रदेश १ का १४ जिल्लामध्ये भौगोलिक रुपमा झापा, मोरङ र सुनसरीमा ५६ दशमलव ३ प्रतिशत रोपाइँ भएको छ ।

मध्य पहाडका इलाम, पाँचथर, भोजपुर, तेह्रथुम, धनकुटा, ओखलढुङ्गा, खोटाङ र उदयपुरका जिल्लामा ४४ दशमलव ६० प्रतिशत रोपाइँ भएको प्रदेश सरकार भूमि व्यवस्था कृषि तथा सहकारी मन्त्रालयले जनाएको छ ।

मन्त्रालयका प्रवक्ता डाक्टर राजेन्द्र उप्रेतीले उच्च पहाडको ताप्लेजुङ, सङ्खुवासभा र सोलुखुम्बुमा भने ३० प्रतिशत रोपाइँ सकिएको छ । तीन लाख ४० हजार आठ सय २९ हेक्टर क्षेत्रफलमा धान रोपाइँ हुनुपर्नेमा १ लाख ७४ हजार ३०६ हेक्टरमा धान रोप्ने काम पूरा भएको प्रवक्ता उप्रेतीले बताउनुभयो ।

जिल्लागत रुपमा मोरङ र तेह्रथुम जिल्लामा सबैभन्दा बढी ६५ प्रतिशत रोपाइँ भएको छ । सबैभन्दा कम सङ्खुवासभामा २० र ओखलढुङ्गामा २२ प्रतिशत मात्र रोपाइँ भएको डा. उप्रेतीले जानकारी दिनुभयो ।

गएको वर्ष २०७६ असार २४ गतेसम्ममा प्रदेश १ को धान रोपाइँको अवस्था याेभन्दा निकै कम थियो । मन्त्रालयका अनुसार गएको वर्ष असार २४ गतेसम्ममा २८ दशमलव १६ प्रतिशत रोपाइँ भएको थियो । यो वर्ष धान रोपाइँ बढ्नुको मुख्य कारणको रुपमा समयमै पर्याप्त वर्षा हुनुलाई विज्ञले लिएका छन् ।

किसानलाई चाहिने मल र बिउको व्यवस्थापन पनि धान रोपाइँ बढ्नुको कारण भएको मन्त्रालयले जनाएको छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्