सङ्खुवासभा पहिरो : पीडितलाई राहत पुर्‍याउन समस्या, खराब मौसमका कारण हेलिकप्टर अवतरण हुन सकेन

असार २९, २०७७ सोमबार १८:१८:७ | नवीन गुरुङ

सङ्खुवासभा – सङ्खुवासभाको सिलिचोङ गाउँपालिका १ का पहिरो पीडितका लागि राहत सामाग्री लिएर गएको हेलिकप्टर अवतरण गर्न नसकेपछि सदरमुकाम खाँदबारीमै फर्किएको छ ।

पीडितहरुको लागि टेन्ट, खाद्यान्न, औषधिलगायतका सामग्री लिएर विराटनगरबाट गएको हेलिकप्टर बाक्लो कुहिरोकाे कारण अवतरण हुन नसकेपछि सदरमुकाम खाँदबारी फर्किएको हो ।

सङ्खुवासभाका सहायक प्रमुख जिल्ला अधिकारी मोहनमणि घिमिरेले घटनाबारे जानकारी गराउनुभएको हो । सिलिचोङमा शनिबार राति गएको पहिरोमा परि ११ जना हराइरहेका छन् भने ७३ घरपरिवार विस्थापित भएका छन् । विस्थापित भएकाहरुलाई पहिरो गएको ठाउँभन्दा केहीमाथि चित्रे भने ठाउँमा सारिएको छ ।

तर चित्रेमा केही घरमात्र रहेकोले घरबार गुमाएर त्यहाँ गएकाहरुलाई राख्न समस्या भएको छ । राहत सामग्रीसमेत नपुग्दा उनीहरुको बिचल्ली भएको छ । सदरमुकामबाट ६० जना सुरक्षाकर्मीको टोली दिउँसो पुगेर खोजी तथा उद्धारकाे काम गरिरहेको छ । खोजी भइरहेको भए पनि हराइरहेकाहरु अहिलेसम्म भेटिएका छैनन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्