टेलिकमको सर्भर ह्याक गर्ने कम्प्युटर अपरेटर पक्राउ

साउन १, २०७७ बिहीबार १४:२९:५६ | उज्यालो सहकर्मी

काठमाण्डौ – नेपाल टेलिकमको सर्भर ह्याक गर्ने एक जनालाई केन्द्रीय अनुसन्धान ब्युरोको टोलीले पक्राउ गरेको छ ।

टेलिकमको सर्भर ह्याक गर्ने धनकुटाको पाख्रिबास नगरपालिका ५ का २८ वर्षीय दिवाकर देउजालाई ब्युरोको टोलीले धनकुटाबाट नै पक्राउ गरेको हो । पक्राउ परेका देउजालाई विद्युतीय कारोबार ऐन २०६३ बमोजिम आवश्यक कारबाही प्रक्रिया अघि बढाउन बिहीबार नै नेपाल प्रहरी साइबर ब्युरो काठमाण्डौ पठाएको ब्युरोले जनाएको छ ।

देउजाले टेलिकमको मोबाइल एपको सर्भर प्रणालीभित्र गैरकानुनी रुपमा पहुँच स्थापना गरी प्याकेज प्रयोग तथा बिक्री गरी आर्थिक लाभ लिएको केन्द्रीय अनुसन्धान ब्युरोले जनाएको छ ।

पक्राउ परेको देउजा शहरी विकास तथा भवन कार्यालय धनकुटामा कम्प्युटर अपरेटर पदमा कार्यरत रहेको ब्युरोले निकालेको विज्ञप्तिमा उल्लेख छ । उनको साथबाट ल्पायटप दुई थान र मोबाइल दुई थान बराबद भएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्