उद्योगमन्त्री भण्डारी र भारतीय समकक्षी गोयलबीच व्यापार सहजीकरणक...
मंसिर १८, २०८१ मंगलबार
४१ जिल्लाका वडा वडामा पुग्यो इन्टरनेट, झण्डै १० अर्बको अप्टिकल फाइबरको काम भने अलपत्र
काठमाण्डाै – ग्रामीण दूरसञ्चार कोषको रकम परिचालन गरेर सञ्चालित केही आयोजनामा काम सन्तोषजनक रहे पनि केही आयोजना सुस्त रहेका छन् । नेपाल दूरसञ्चार प्राधिकरणका अनुसार कोषको रकम परिचालन गरेर सुरु गरिएका कुनै पनि आयोजना तोकिएको समयमा सम्पन्न भएका छैनन् र लक्ष्यअनुसार सम्पन्न हुने सम्भावना पनि कम हुँदै गएको छ ।
प्राधिकरणले ग्रामीण दूरसञ्चार कोषको रकम परिचालन गरेर अहिले देशैभरिका पालिका, वडा, स्वास्थ्य संस्था, शैक्षिक संस्थालगायतका स्थानमा गुणस्तरीय ब्रोड ब्याण्ड इन्टरनेट पुर्याउने र मध्यपहाडी लोकमार्गमा अप्टिकल फाइबर बिछ्याउने गरी दुई वटा ठूला परियोजनाको काम गरिरहेको छ ।
पालिका र विभिन्न सङ्घ संस्थामा ब्रोड ब्याण्ड इन्टरनेट जडानको काम केही सन्तोषजनक भए पनि मध्यपहाडी लोकमार्गमा अप्टिकल फाइबर बिछ्याउने काम भने अलपत्र परेको छ ।
ब्रोड ब्याण्ड इन्टरनेट सेवा परियोजना : ४१ जिल्लाका वडा वडामा इन्टरनेट
देशभरिका नगरपालिका, गाउँपालिका, सबै वडा, स्वास्थ्य संस्था, शैक्षिक संस्थालगायत स्थानमा ब्रोड ब्याण्ड इन्टरनेट पुर्याउन प्राधिकरणले विभिन्न प्याकेजमार्फत काम गरिरहेको छ । देशभरका १६ हजार ६ सय एक स्थानमा इन्टरनेट जडान गर्ने यस परियोजनाको लक्ष्य रहेको छ । अहिले नौ हजार आठ सय ३३ स्थानमा इन्टरनेट जडान भइसकेको छ ।
यो काम पूरा गर्नको लागि १८ वटा प्याकेज छुट्याइएको छ । अहिलेसम्म ११ वटा प्याकेजको काम सम्पन्न भइसकेको, ६ वटा प्याकेजको सम्झौता भइसकेको र यसमध्ये दुई वटा प्याकेजको काम ५० प्रतिशत सम्पन्न भइसकेको प्राधिकरणले जनाएको छ । ११ वटा प्याकेजको काम अन्तर्गत ४१ जिल्लाका वडा वडामा इन्टरनेट पुगेको प्राधिकरणले दाबी गरेको छ । १७ वटा प्याकेजको लागि पाँच अर्ब २६ करोड ९७ लाख रुपैयाँमा सम्झौता भएको छ । अहिलेसम्म दुई अर्ब ३८ करोड ६४ लाख रुपैयाँ भुक्तानी भइसकेको छ ।
प्राधिकरणका अनुसार अहिलेसम्म ४१ जिल्लाका चार सय ४७ पालिकामा इन्टरनेट जडान भइसकेको छ, दुई सय १७ वटा बाँकी रहेका छन् ।
तीन हजार सात सय ३८ वटा वडामा इन्टरनेट जडान भइसकेको छ भने एक हजार आठ सय ९७ वटामा जडान गर्न बाँकी छ ।
तीन हजार ४८ वटा माध्यमिक विद्यालयमा जडान सम्पन्न भएको छ, दुई हजार १५ वटामा जडान हुन बाँकी छ ।
यस्तै दुई हजार ६ सय स्वास्थ्य संस्थामा इन्टरनेट जडान भइसकेको छ भने एक हजार चार सय ८० वटामा जडान गन बाँकी रहेको छ ।
यस्तै दुई वटा प्याकेज अन्तर्गत नौ वटा जिल्लाका पालिका, वडा, स्वास्थ्य संस्था र शैक्षिक संस्थामा इन्टरनेट जडानको काम ५० प्रतिशत सम्पन्न भइसकेको पनि प्राधिकरणले जनाएको छ ।
चार वटा प्याकेजमार्फत २० वटा जिल्लाका विभिन्न स्थानमा ब्रोड ब्याण्ड इन्टरनेट जडानको लागि सेवाप्रदायकको छनोट भइरहेको छ । गएको असारमा मात्रै चितवन, नवलपुर, नवलपरासी, रुपन्देही र कपिलवस्तु जिल्लामा इन्टरनेट जडानको लागि सुबिसु केबल नेट प्रालीसँग सम्झौता भएको छ ।
कुन जिल्लामा कुन कम्पनीले पूरा गरे काम ?
४१ जिल्लाका नौ हजार आठ सय ३३ वटा स्थानमा ब्रोड ब्याण्ड इन्टरनेट सेवा जडान भइसकेको प्राधिकरणले जनाएको छ । जसमध्ये विभिन्न कम्पनीले निम्न जिल्लामा जडान गरेका छन् ।
नेपाल दूरसञ्चार कम्पनी लिमिटेड : काभ्रे, सिन्धुपाल्चोक, रसुवा, नुवाकोट ।
मर्कन्टायल कम्युनिकेशन प्राली : दोलखा, रामेछाप, सिन्धुली, ओखलढुङ्गा, ताप्लेजुङ, सोलुखुम्बु, सङ्खुवासभा, अछाम, बझाङ, बाजुरा ।
सुविसु केबल नेट प्राली: गोरखा, धादिङ, मकवानपुर,बारा, पर्सा, रौतहट, सर्लाही, धनुषा, सप्तरी,सिरहा, महोत्तरी ।
वल्र्डलिंक कम्युनिकेशन लिमिटेड : जाजरकोट, कालीकोट, रोल्पा, रुकुम पूर्व, रुकुम पश्चिम, डोल्पा, हुम्ला, जुम्ला, मुगु ।
भायानेट कम्युनिकेशन प्राली : बैतडी, डडेल्धुरा, दार्चुला, डोटी ।
टेक माइन्ड्स नेटवर्क प्राली : दैलेख, सुर्खेत, सल्यान ।
मध्यपहाडी लोकमार्गमा अप्टिकल फाइबर जडान : चार वटा प्रदेशमा कामै सुरु भएन
पाँचथरको चियोभञ्ज्याङदेखि बैतडीको झुलाघाटसम्मको मध्यपहाडी लोकमार्गमा सूचना महामार्ग अर्थात् अप्टिल फाइबर बिछ्याउनको लागि ग्रामीण दूरसञ्चार कोषको रकम परिचालन भएको छ । कुल नौ अर्ब ८९ करोड १७ लाख रुपैयाँको यो परियोजनाको काम सुरुको लक्ष्यअनुसार अहिले सम्पन्न भइसक्नुपर्ने थियो तर अहिलेसम्म तीन वटा प्रदेशमा मात्रै काम सुरु भएको छ । चार वटा प्रदेशमा काम नै सुरु भएको छैन ।
प्याकेज एक अन्तर्गत प्रदेश एक, दुई र वाग्मती प्रदेशमा अप्टिकल फाइबर बिछ्याउने कामको जिम्मेवारी नेपाल टेलिकमले पाएको छ । यो प्याकेज अन्तर्गत पाँचथरको चियोभञ्ज्याङदेखि गोरखाको आरुघाटसम्म दुई हजार एक सय ७९ किलोमिटर क्षेत्र पर्दछ ।
दुई वर्षमा काम सक्ने गरी २०७३ सालमा टेलिकमसँग सम्झौता भए पनि अहिलेसम्म टेलिकमले जम्मा दुई सय ७३ किलोमिटर क्षेत्रमा मात्रै अप्टिकल फाइबर बिछ्याउने काम सम्पन्न भएको छ ।
प्याकेज दुई अन्तर्गत गण्डकी र प्रदेश पाँचको दुई हजार एक सय ६० किलोमिटर क्षेत्रमा अप्टिकल फाइबर बिछ्याउने जिम्मा यूटीएलले पाएको थियो । यूटीएलले तोकिएको समयमा काम नगरेपछि दूरसञ्चार प्राधिकरणले सम्झौता र गरेको थियो । तर प्राधिकरणको निर्णयविरुद्ध यूटीएल सर्वोच्च अदालतमा यो मुद्दा विचाराधीन अवस्थामा रहेको छ । अहिले प्याकेज दुई अन्तर्गतको गण्डकी प्रदेश र प्रदेश पाँचमा अप्टिकल फाइबरको काम सुरु नै भएको छैन ।
यस्तै प्याकेज तीन अन्तर्गत कर्णाली र सुदूरपश्चिम प्रदेशको एक हजार नौ सय ९२ किलोमिटर क्षेत्रमा अप्टिकल फाइबर बिछ्याउने काम पनि सुरु भएको छैन । यो क्षेत्रमा अप्टिकल फाइबर बिछ्याउने जिम्मा सुरुमा स्मार्ट टेलिकमले पाएको थियो । तर उसले काम नै सुरु गर्न नसकेपछि दूरसञ्चार प्राधिकरणले सम्झौता तोडेर नेपाल टेलिकमलाई दिने निर्णय गरेको थियो । टेलिकमसँग सम्झौता पनि भइसकेको छ तर कोरोना महामारीका कारण ठेक्का आह्वान गरेर थप प्रक्रिया अघि बढ्न नसकेको प्राधिकरणले जनाएको छ ।
सम्झौता भइसकेका परियोजनाको काम छिटो सम्पन्न गर्न निर्देशन दिइएको र अनुगमन भइरहेको प्राधिकरणका निर्देशक तथा प्रवक्ता मीनप्रसाद अर्यालले उज्यालोलाई जानकारी दिनुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
अर्जुन पोख्रेल
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ। 
1 Comments
समाचार
-
-
अमेरिकी खर्बपति मस्कले टेस्लाबाट पाउने झन्डै ५६ अर्ब डलर अदालत...
मंसिर १८, २०८१ मंगलबार
-
काठमाण्डाै–१६ की अध्यक्ष श्रेष्ठद्वारा शपथ ग्रहण
मंसिर १८, २०८१ मंगलबार
-
भेटिवर : जलवायु परिवर्तनको जोखिम घटाउन प्रभावकारी वनस्पति
मंसिर १८, २०८१ मंगलबार
-
यू–१९ एशिया कप : नेपालले अफगानिस्तानलाई १ विकेटले हरायो
मंसिर १८, २०८१ मंगलबार
-
पाेखरालाई ८७ रनले हराउँदै एनपीएलमा चितवनकाे दाेस्राे जीत
मंसिर १८, २०८१ मंगलबार
-
प्रधानमन्त्री ओली र एनपीसी अध्यक्षबीच भेटवार्ता
मंसिर १८, २०८१ मंगलबार
-
प्रधानमन्त्री ओली र चिनियाँ राष्ट्रपति सीबीच भेटवार्ता
मंसिर १८, २०८१ मंगलबार
-
कृषिमा प्रविधिको प्रयोगसँगै दाइँ गर्ने परम्परा लोप हुँदै
मंसिर १८, २०८१ मंगलबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
शेयर बजार दाेहाेराे अङ्कले बढेर २७ सय ७५ विन्दुमा, काराेबार...
मंसिर १८, २०८१ मंगलबार
-
भियतनाममा बैंक ठगीको मुद्दामा दोषी ठहर भएकी महिलाले मृत्युद...
मंसिर १८, २०८१ मंगलबार
-
एनपीएलमा 'बेटिङ' गरेको आरोपमा ४ जना भारतीय नागरिक पक्राउ
मंसिर १८, २०८१ मंगलबार
-
एनपीएलमा चितवनले पोखरालाई दियो १ सय ६२ रनको लक्ष्य
मंसिर १८, २०८१ मंगलबार
विचार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
ठेकेदारले पार्टी चलाउँदा विकास निर्माण भताभुङ्ग भयो
मंसिर १७, २०८१ सोमबार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
VK
July 29, 2020, 5:18 p.m.Please use the new map in any post that you do. I would request Mr. Arjun Pokhrel to repost his article with the new map. Please.