गण्डकी प्रदेशमा जोर–बिजोर लागू नहुने

साउन २२, २०७७ बिहीबार १६:६:४७ | रासस

कास्की – कोरोनाको उच्च जोखिमलाई ध्यानमा राखी बिहीबारदेखि लागू भएको जोर–बिजोर प्रणाली गण्डकी प्रदेशमा लागू नहुने भएको छ ।

सरकारले दुई सय जनाभन्दा बढी सक्रिय सङ्क्रमित रहेका जिल्लामा यो नियम लागू गर्ने निर्णय गरेको थियो । गण्डकी प्रदेशका सबै ११ जिल्लामा दुई सयकाे सङ्ख्यामा सक्रिय सङ्क्रमित नभएका कारण जोर–बिजोर प्रणााली लागू नहुने भएको हो । प्रदेश स्वास्थ्य निर्देशनालयका निर्देशक विनोद विन्दु शर्माले प्रदेशको कुनै पनि जिल्लामा दुई सयको हाराहारीमा सक्रिय सङ्क्रमित नरहेको जानकारी दिनुभयो ।

निर्देशक शर्माका अनुसार अहिलेसम्म २६ हजार ३८ जनाको स्वाब सङ्कलन गरिएको छ । तीमध्ये २४ हजार चार सय ७२ जनाको नेगेटिभ रिपोर्ट आएको छ । गण्डकीमा बिहीबारसम्म कोरोना सङ्क्रमितको सङ्ख्या एक हजार पाँच सय ६६ पुगेको छ । सङ्क्रमितमध्ये एक हजार तीन सय ६२ जना निको भएका छन् । पछिल्लो २४ घण्टामा तीन सय १५ को कोरोना परीक्षण भएको छ भने अहिलेसम्म चार जनाको कोरोनाका कारण मृत्यु भएको छ ।

त्यसैगरी क्वरेण्टीनमा एक हजार ११ जना रहेका छन् भने आइसोलेशनमा दुई सय ११ जना छन् । प्रदेशमा अहिलेसम्म भारतबाट १२ हजार दुई सय ९१ र तेस्रो देशबाट पाँच हजार एक सय चार जना आएको तथ्याङ्क छ । प्रदेशभर बिहीबार बिहानसम्म ११ जनामा कोरोना पुष्टि भएको छ । देशका विभिन्न तीन प्रयोगशालामा गरिएको परीक्षणमा चार जिल्लाका ११ जनामा कोरोना पोजेटिभ देखिएको हो । पोजेटिभ देखिने जिल्लामा कास्कीमा एक, पर्वतमा एक, गोरखामा ६ र नवलपुरमा तीन सङ्क्रमित थपिएको स्वास्थ्य निर्देशनालयले जनाएको छ । कास्कीका एक सङ्क्रमित पोखरा महानगरपालिका ४ का २२ वर्षीय पुरुष रहेका छन् ।

जनस्वास्थ्यको मापदण्डअनुसार दुई सय जनाभन्दा बढी सक्रिय कोरोना सङ्क्रमित रहेका जिल्लामा बिहीबारदेखि सवारी साधनमा जोर–बिजोर प्रणाली लागू गर्न गृह मन्त्रालयलये निर्देशन दिएको छ । मन्त्रालयका अनुसार दुई सय जनाभन्दा बढी सक्रिय सङ्क्रमित रहेका जिल्लामा बेलुका ९ देखि बिहान ५ बजेसम्म आवागमनमा समेत रोक लगाइएको छ । कास्कीका प्रमुख जिल्ला अधिकारी ज्ञानप्रसाद ढकालले कास्की जिल्लामा पनि दुई सय जना सक्रिय कोरोना सङ्क्रमित नभएकाले जोर–बिजोर लागू नहुने बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्