जिल्ला अस्पतालको फार्मेसीमा तीन लाख घोटाला

साउन २१, २०७५ सोमबार १५:५४:२९ | डीबी बिष्ट

बझाङ – जिल्ला अस्पताल बझाङले संचालनमा ल्याएको फार्मेसीमा ३ लाख रुपैयाँ घोटाला भएको भेटिएको छ ।

जिल्ला स्वास्थ्य कार्यालयका प्रमुख डाक्टर अनुप रेग्मीले जिल्ला अस्पतालमा संचालन गरेको फार्मेसीमा तीन लाख रुपैयाँ हिनामिना भएको बताउनुभएको हो ।

हेल्थ असिस्टेन दीपकबहादुर ऐडीको संयोजगत्वमा २ सदस्य टोलीले बुझाएको प्रतिवेदनमा ३ लाख रुपैयाँ हिनामिना भएको उल्लेख छ । आफूले तयार पारेको प्रतिवेदन अस्पताल विकास समितिलाई बुझाई सकेको ऐडीले बताउनुभयो ।

फार्मेसीको रकम हिनामिना गर्नमा फार्मेसीमा बस्ने २ जना कर्मचारीसहित अन्य ५–६ जनाको संग्लग्नता रहेको प्रतिवेदनमा उल्लेख छ ।

केही रकम फार्मेसीका कर्मचारीले राख्ने केही रकम लेखामा बुझाउने कर्मचारीले राख्ने र केही रकम लेखापालले समेत राख्ने गरेका कारण रकम हिनामिना भएको जनाइएको छ । कुन कर्मचारीले कति रकम हिनामिना गरेका छन् भन्ने खुल्न सकेको छैन ।

फार्मेसीमा जम्मा भएको रकम सदरमुकाम चैनपुरमा रहेको सिटिजन्स बैङ्कमा जम्मा गर्नु पर्ने हुन्छ । केही रकम मात्रै जम्मा हुने भए पनि बाँकी सबै रकम कर्मचारीहरुको मिलेमतोमा नै बाँडफाँड गरी हिनामिना भएको प्रतिवेदनमा उल्लेख छ ।

अस्पताल विकास समीतिले त्यो रकम असुल गर्नका लागि सम्बन्धित कर्मचारीहरुलाई पत्र काट्ने निर्णय गरेको जनाइएको छ । अहिले फार्मेसीमा काम गर्ने कर्मचारी नभएका कारण फार्मेसी दुई हप्तादेखि बन्द रहेको कार्यालय प्रमुख डाक्टर अनुप रेग्मीले बताउनभयो ।

कर्मचारीहरुले फार्मेसीमा काम गर्न नसक्ने भनेर काम छोडेपछि फार्मेसी बन्द गर्नु परेको डाक्टर रेग्मीको भनाई छ । अहिले फार्मेसीमा कर्मचारीका लागि दरखास्त आब्हान गरिएको छ । डाक्टर रेग्मीका अनुसार अबको केही दिनमा नै फार्मेसी संचालनमा आउने छ ।

फार्मेसीमा भएको रकम हिनामिनाको विषयमा भने कार्यालय प्रमुख डाक्टर रेग्मीले पत्राचार भै सकेको र कानुनी प्रकृयामा गएर भए पनि रकम असुल गर्ने बताउनुभएको छ । जिल्ला अस्पताल भित्रै संचालनमा ल्याइएको फार्मेसी २०७३ सालदेखि संचालनमा आएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्