उद्योगमन्त्री भण्डारी र भारतीय समकक्षी गोयलबीच व्यापार सहजीकरणक...
मंसिर १८, २०८१ मंगलबार
आन्तरिक विमानस्थल धमाधम अत्याधुनिक बन्दै, नयाँ विमानस्थल कम प्राथमिकतामा
काठमाण्डाै – तत्कालीन संस्कृति, पर्यटन तथा नागरिक उड्डयनमन्त्री रवीन्द्र अधिकारीको पालामा काभ्रेको नागिडाँडामा आन्तरिक विमानस्थल बनाउने र काठमाण्डौको हवाई चाप व्यवस्थापन गर्ने ठूलो योजना बनेको थियो । अधिकारी दुई पटकसम्म नागिडाँडाको जग्गा हेर्न पुग्नुभएको पनि थियो ।
उहाँले नागिडाँडामा विमानस्थल बनाएरै छाड्ने बताउनुभएको थियो । आर्थिक वर्ष २०७५/७६ सालको बजेटमा त ५० करोड रुपैयाँ नै विनियोजन भएको थियो । तर नागिडाँडामा विमानस्थल बनाउँदा सीमित स्वार्थ समूहलाई मात्रै फाइदा हुने भन्दै आलोचना भयो । संसदको श्रम तथा अन्तर्राष्ट्रिय सम्बन्ध समितिले बनाएको उपसमितिले नै केहि व्यक्तिको निजी स्वार्थ पूरा गर्नको लागि नागिडाँडामा विमानस्थल बनाउन नहुने निष्कर्ष निकाल्यो । अहिले नागिडाँडामा विमानस्थल बनाउने कुरा सरकारी योजनाबाट हराएको छ ।
नागिडाँडा मात्रै होइन, पछिल्ला दुई वर्षका संघीय सरकार र नागरिक उड्डयन प्राधिकरणले नयाँ विमानस्थल निर्माणलाई प्राथमिकतामा राख्ने भन्दा पनि भएका विमानस्थलको सुधार र अत्याधुनिक बनाउने काम गरिरहेका छन् ।
सरकारको आर्थिक वर्ष २०७७/०७८ को बजेटमा नयाँ आन्तरिक विमानस्थल खास प्राथमिकतामा परेका छैनन् । चालु वर्षको नीति तथा कार्यक्रम र बजेटमा तेह्रथुमको चुहानडाँडामा विमानस्थल बनाउनको लागि वातवरणीय प्रभाव मूल्याङ्कन ईआईए गर्नेबाहेक नागरिक उड्डन प्राधिकरणको नीति तथा कार्यक्रम र बजेटमा अरु नयाँ आन्तरिक विमानस्थल प्राथमिकतामा परेका छैनन् ।
आर्थिक वर्ष २०७६/०७७ मा आन्तरिक विमानस्थलतर्फ भएका सुधार
नेपालमा ५४ रहेको वटा विमानस्थल रहेकोमा ३५ वटा विमानस्थलहरुको धावनमार्ग पक्की रहेको छ । यसमध्ये ३२ वटा विमानस्थल सञ्चालनमा रहेका छन् भने २२ वटा विमानस्थल सञ्चालनमा छैनन् । नेपाल नागरिक उड्ड्यन प्राधिकरणका अनुसार गएको आर्थिक वर्षमा आन्तरिक विमानस्थल सुधारको लागि थुप्रै काम भएका छन् ।
आन्तरिक विमानस्थलहरुको समेत गुरुयोजना तयारी गरी चरणबद्धरुपमा विकास गर्दै लैजाने नीति अनुसार चन्द्रगढी, विराटनगर, राजविराज, नेपालगंज, धनगढी, महेन्द्रनगर र रामेछाप विमानस्थलहरुको गुरुयोजना सम्पन्न भएको छ ।
नेपालगञ्ज विमानस्थलमा थप ६ वटा आन्तरिक सेवाका ठूला जहाज पार्किङ गर्न सकिने गरी एप्रोन निर्माण कार्य सम्पन्न भएको छ । दाङ्गको नारायणपुरमा पूर्व–पश्चिम धावनमार्ग हुने गरी विमानस्थल निर्माणका लागि पूर्व सम्भाव्यता अध्ययन सम्पन्न भएको छ । चन्द्रगढी, भरतपुर र धनगढी विमानस्थलको धावनमार्ग, ट्याक्सीमार्ग र पार्किङ क्षेत्रमा थप कालोपत्रे गर्ने कार्य सम्पन्न गरिएको प्राधिकरणले जनाएको छ ।
लामो समयदेखि सञ्चालनमा नरहेका बैतडी र डोटी विमानस्थललाई पुनः सञ्चालनमा ल्याउन धावनमार्ग, ट्याक्सीमार्ग तथा विसान क्षेत्र कालोपत्रे सम्पन्न भएको छ । ओखलढुङ्गामा खिजी चन्डेश्वरी विमानस्थलको निर्माण कार्य सम्पन्न भई परीक्षण उडान सम्पन्न भएको छ ।
राजविराज र रुम्जाटार विमानस्थलमा नयाँ टर्मिनल भवन निर्माण सम्पन्न भएको र रामेछाप विमानस्थलमा टर्मिनल भवन विस्तार गरिएको प्राधिकरणले जनाएको छ ।
फाप्लु विमानस्थलको पार्किङ क्षेत्रमा फुटपाथ बनाउने काम सम्पन्न भएको छ । धनगढी विमानस्थलमा जहाज धावनमार्गमा अवतरण गर्न सघाउ पुर्याउने सिम्पल अप्रोच लाईटीङ सिस्टम जडान भएको छ ।
चन्द्रगढी, जनकपुर, भरतपुर र धनगढी विमानस्थलमा सानो आकारको अग्नि नियन्त्रक यन्त्र मार्फत अग्नि नियन्त्रण तथा उद्दार सेवा उपलव्ध गराइएको र जुम्ला, जोमसोम, सिमिकोट, रामेछाप र तुम्लिगंटार विमानस्थलमा अग्नि नियन्त्रण तथा उद्धार सेवा उपलव्ध गराइएको प्राधिकरणले जनाएको छ । नेपालमा उद्धार तथा अग्नि नियन्त्रण सेवा उपलब्ध भएका विमानस्थलको संख्या १७ पुगेको छ ।
जनकपुर विमानस्थलमा भूउपग्रहमा आधारित जहाज अवतरण प्रणाली कार्यान्वयन गरेर रात्रि उडान योग्य भएको छ । काठमाण्डौ, भैरहवा, नेपालगञ्ज र धनगढीमा प्रविधियुक्त एयर ट्राफिक निगरानी प्रणाली स्थापना भएको प्राधिकरणले जनाएको छ । फाप्लु, रामेछाप र जोमसोम विमानस्थलमा उड्डयन मौसम सूचना सेवालाई आवश्यक उपकरण सहित सुधार गर्ने कार्य सम्पन्न भएको प्राधिकरणले जनाएको छ ।
चालू आर्थिक वर्षमा आन्तरिक विमानस्थलमा सुधार हुने कार्यहरु
चालू आर्थिक वर्षको बजेटमा पनि नेपाल नागरिक उड्डयन प्राधिकरणले आन्तरिक विमानस्थल निर्माणलाई भन्दा पनि सुधारलाई प्राथमिकतामा राखेको छ ।
ताप्लेजुङ, चन्द्रगढी, विराटनगर, रामेछाप, सुर्खेत, नेपालगंज, धनगढी, जुम्ला, राजविराज र डोटी विमानस्थल विस्तार हुने भएका छन् । यी विमानस्थलको जग्गा अधिग्रहण गर्न प्राधिकरणले ६१ करोड रुपैयाँ छुट्याएको छ ।
दाङको नारायणपुरमा नयाँ विमानस्थल निर्माणको लागि जग्गा अधिग्रहण गर्न ५० लाख रुपैयाँ विनियोजन भएको छ ।
इलाम, गुल्मी, डोल्पा, मसिनेचौर, कालिकोट, बझाङ र बलेवा विमानस्थलको धावनमार्ग पक्की गर्ने कामलाई पनि प्राधिकरणले उच्च प्राथमिकतामा राखेको छ । तुम्लिङटार, राजविराज, सुर्खेत र सिमरा विमानस्थलको धावनमार्गमा कालोपत्रे फेरिने भएको छ ।
लुक्ला र सिमीकोट विमानस्थलमा एप्रोन तथा हेलिप्याड निर्माणका लागि पनि प्राधिकरणले बजेट छुट्याएको छ । विराटनगर, रामेछाप,रारा, तुम्लिङटार, साँफेबगर, नेपालगञ्ज र सिमरा विमानस्थलमा टावर र टर्मिनल भवन निर्माण हुने प्राधिकरणले जनाएको छ ।
विराटनगर, राजविराज, थामखर्क, फाप्लु, नेपालगञ्ज, दाङ, रारा, डोटी, साफेँबगर, बलेवा, रुम्जाटार र सिमीकोट विमानस्थलमा एअर ट्राफिक कन्ट्रोल टावरमा प्रविधि जडान गर्नको लागि प्राधिकरणले ८ करोड रुपैयाँ प्राधिकरणले छुट्याएको छ ।
डोटी, साँफेबगर, राजविराज, रुकुम, जनकपुर, सिमरा, बलेवा, रारा, चन्द्रगढी, भरतपुर, विमानस्थलमा मौसमी सूचना प्रणली जडान तथा स्तरोन्नतिका लागि पनि चार करोड २६ लाख रुपैयाँ बजेट छुट्याएर नागरिक उड्डयन प्राधिकरणले काम गरिरहेको छ ।
चन्द्रगढी, जनकपुर, धनगढी, सिमरा र भरतपुर विमानस्थलमा एक्सरे मेसिन खरिद र जडान हुने भएको छ । त्यसको लागि १४ करोड रुपैयाँ बजेट विनियोजन भएको छ । लुक्ला विमानस्थल र नेपालगञ्जमा विद्युतीय उडान प्रणाली जडान गर्न पनि १० करोड रुपैयाँ विनियोजन भएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
अर्जुन पोख्रेल
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ। 
1 Comments
समाचार
-
-
अमेरिकी खर्बपति मस्कले टेस्लाबाट पाउने झन्डै ५६ अर्ब डलर अदालत...
मंसिर १८, २०८१ मंगलबार
-
काठमाण्डाै–१६ की अध्यक्ष श्रेष्ठद्वारा शपथ ग्रहण
मंसिर १८, २०८१ मंगलबार
-
भेटिवर : जलवायु परिवर्तनको जोखिम घटाउन प्रभावकारी वनस्पति
मंसिर १८, २०८१ मंगलबार
-
यू–१९ एशिया कप : नेपालले अफगानिस्तानलाई १ विकेटले हरायो
मंसिर १८, २०८१ मंगलबार
-
पाेखरालाई ८७ रनले हराउँदै एनपीएलमा चितवनकाे दाेस्राे जीत
मंसिर १८, २०८१ मंगलबार
-
प्रधानमन्त्री ओली र एनपीसी अध्यक्षबीच भेटवार्ता
मंसिर १८, २०८१ मंगलबार
-
प्रधानमन्त्री ओली र चिनियाँ राष्ट्रपति सीबीच भेटवार्ता
मंसिर १८, २०८१ मंगलबार
-
कृषिमा प्रविधिको प्रयोगसँगै दाइँ गर्ने परम्परा लोप हुँदै
मंसिर १८, २०८१ मंगलबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
शेयर बजार दाेहाेराे अङ्कले बढेर २७ सय ७५ विन्दुमा, काराेबार...
मंसिर १८, २०८१ मंगलबार
-
भियतनाममा बैंक ठगीको मुद्दामा दोषी ठहर भएकी महिलाले मृत्युद...
मंसिर १८, २०८१ मंगलबार
-
एनपीएलमा 'बेटिङ' गरेको आरोपमा ४ जना भारतीय नागरिक पक्राउ
मंसिर १८, २०८१ मंगलबार
-
एनपीएलमा चितवनले पोखरालाई दियो १ सय ६२ रनको लक्ष्य
मंसिर १८, २०८१ मंगलबार
विचार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
-
ठेकेदारले पार्टी चलाउँदा विकास निर्माण भताभुङ्ग भयो
मंसिर १७, २०८१ सोमबार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
krishna Bhatt
Aug. 12, 2020, 7:08 p.m.बैतडी पाटन बिमान स्थल कालोपत्र भैसकेको छ अब बिमान्स्थल मा टावर को काम र अन्य बाकी काम कहिले देखी हुन्छ ?के हि जानकारि पाउन सकिन्छ कि ।