सडक बनाउँदा कागजी प्रक्रिया मिलाएर पैसा खाएकाे आरोप

साउन २२, २०७५ मंगलबार १४:५१:३५ | उपेन्द्र येक्तेन

पाँचथर – जिल्लाको कुम्मायक र सदरमुकाम फिदिम जोड्ने सडक सञ्जाल फिदिम–यासोक सडकखण्ड मर्मत कार्यमा प्राविधिक स्टिमेट अनुसार काम नभएको भन्दै स्थानीयले छानबिनको माग गरेका छन् ।

प्राविधिक अनुमान अनुसार ५१ वटा ग्याबिन वालको १ सय ५३ घनमिटर काम गर्नुपर्ने थियो । तर उपभोक्ता समितिमार्फत भएको काम ३९ वटा मात्र ग्याबिन वालको काम भएपछि स्थानीयले छानबिनको माग गरेका हुन् ।

गाउँपालिकाबाट विनियोजित २० लाख योजना रहेको सडक मर्मत कार्यमा अनुगमन समितिको सिफारिस नै बिना भुक्तानी लिएको अनुगमन समितिका संयोजक राजु खतिवडाले बताउनुभयो ।

तमोर करिडोरमा काम गर्ने एस्काभेटरले मर्मत गरेको सडक देखाएर अनुगमन समितिले सिफारिस नै नगरी कागजी प्रक्रिया मिलाएर भुक्तानी लिएकोले यस विषयमा तत्काल छानबिन हुनुपर्ने खतिवडाको भनाई रहेको छ ।

कुम्मायक गाउँपालिकाका अध्यक्ष जयबहादुर चेम्जोङले सडक मर्मतको जिम्मा पाएको समितिले प्राविधिक स्टिमेट अनुसार काम नगरेकोले अनुगमन समितिको रिपोर्टको आधारमा योजनाको कुल २० लाखमध्ये १६ लाख मात्र भुक्तानी दिएको बताउनुभयो ।

अनुगमन समितिले प्रतिवेदन समयमै नबुझाउँदा रिपोर्टकै आधारमा रकम भुक्तानी दिएको तर कागजी प्रक्रिया मिलाउने काम भने नभएको चेम्जोङको भनाई रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्