आइसोलेशनमा तोडफोड, स्वास्थ्य सामग्री चोरी

भदौ ५, २०७७ शुक्रबार १६:१५:२५ | नवीन गुरुङ

सङ्खुवासभा – सङ्खुवासभाको सदरमुकाम खाँदबारीमा रहेको आइसोलेशन तोडफोड गर्नुका साथै स्वास्थ्य सामग्री चोरी भएको छ ।

खाँदबारी नगरपालिका–७ नयाँ बजारमा रहेको हिमालय किरण क्याम्पसमा जिल्ला अस्पतालको झण्डै १५ लाख रुपैयाँको लगानीमा आइसोलेशन निर्माण गरिएको थियो । आइसोलेसनमा बिहीबार राति तोडफोड गर्नुका साथै स्वास्थ्य सामग्रीसमेत हराएको जिल्ला अस्पतालका मेडिकल सुपरिन्टेन्डेट डाक्टर सुन्दर श्याम झाले बताउनुभयो ।

मेसु झाका अनुसार आइसोलेशनबाट झण्डै १५ लाख रुपैयाँ बराबरको सामग्री चोरी भएको हो । नचिनेको मानिसको समूहले अक्सिजन मेसिन, सक्सन मेसिन, ७० पीपीई सेट, प्यासेन्ट मनिटर, अक्सिजन डिभाइडर लगायतका सामग्री चोरी गरेको उहाँले जानकारी दिनुभयो ।

गएको सोमबार धर्मदेवी नगरपालिका ४ पिलुवाखोलामा रहेको क्वरेण्टीनमा बसेका तीन जनामा कोरोना पोजेटिभ देखिएपछि आइसोलेशनमा ल्याएर उपचार गर्ने भएपछि स्थानीय र क्याम्पस प्रशासनले आइसोलेशनमा बिरामी ल्याउन दिएका थिएनन् । अहिलेसम्म त्यो आइसोलेशनमा एक जना कोरोना सङ्क्रमितको पनि उपचार भएको छैन ।

बिहीबार जिल्ला प्रशासनमा भएको सर्वदलीय बैठकले जिल्ला अस्पतालको लगानीमा तयार भएको आइसोलेशनमा नै राखेर बिरामीको उपचार गर्नुपर्ने निर्णय गरे पनि स्थानीय र क्याम्पस प्रशासनले विरोध जनाएको थियो । तर त्यही राति आइसोलेशनमा तोडफोड हुनु र स्वास्थ्य सामग्री हराएको हो । तोडफोड गर्नेको र चोरी गर्नेको खोजी भइरहेको जिल्ला प्रहरी कार्यालयले जनाएको छ ।

विवादककै बीच बिहीबार राति नै धर्मदेवी नगरपालिका ४ का ३४ वर्षीय पुरुष, चैनपुर नगरपालिका ११ का २४ वर्षीय पुरुष र जिल्ला प्रहरी कार्यालयमा कार्यरत २२ वर्षीय पुरुषलाई क्याम्पसको आइसोलेशनमा राखेर उपचार सुरु गरिएको जिल्ला स्वास्थ्य कार्यालयले जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आइसोलेशनमा तोडफोड, स्वास्थ्य सामग्री चोरी

(हिमालय किरण क्याम्पसमा बनाइएको आइसोलेशन तोडफोड । तस्बिर : नवीन गुरुङ/उज्यालो)

तपाईको प्रतिक्रिया