आइसोलेशन तोडफोड गरेको आरोपमा क्याम्पस प्रमुख पक्राउ

भदौ ७, २०७७ आइतबार १४:२९:८ | नवीन गुरुङ

सङ्खुवासभा —खाँदबारी नगरपालिका ७ को नयाँबजारमा रहेको हिमालय किरण क्याम्पसमा निर्माण गरिएको आइसोलेसन तोडफोड गरेको आरोपमा क्याम्पस प्रमुख पक्राउ परेका छन् ।

आइसोलेशन कक्ष तोडफोड र स्वस्थ्य सामग्री लुकाएको आरोपमा प्रहरीले डाक्टर मातृका तिम्सिनालाई अनुसन्धानको लागि नियन्त्रणमा लिएको सङ्खुवासभाका प्रहरी नायब उपरीक्षक (डीएसपी) नवराज मल्लले बताउनुभयो । उहाँका अनुसार जिल्ला अस्पतालले किटानी जाहेरी दिएपछि अनुसन्धानको लागि नियन्त्रणमा लिइएको बताउनुभयो ।

आइसाेलेशन ताेडफाेड गरेकाे आराेपमा पक्राउ परेका क्याम्पस प्रमुख

क्याम्पस प्रमुख तिम्सिनाको अगुवाइमा आइसोलेशन कक्ष तोडफोड भएको आरोप लागेकाे छ । प्रहरीले तिम्सिनालाई नियन्त्रणमा लिएर अपराधिक उपद्रव गर्न नहुने मुद्दा अन्तर्गत अनुसन्धान गरिरहेको प्रहरीले जनाएको छ ।

कोरोना सङ्क्रमितको उपचारको लागि जिल्ला अस्पतालको लगानीमा आइसोलेशन निर्माण गरिएको हो ।

घटनाकाे नालीबेली

जिल्ला अस्पतालले झण्डै पाँच महिना अगाडि हिमालय किरण क्याम्पसमा १० बेडको आइसोलेशन कक्ष निर्माण गरेको थियो । त्यहाँ १५ लाख ८५ हजार रुपैयाँ बराबरको स्वास्थ्य सामग्री रहेको जिल्ला अस्पतालले विज्ञप्तिमार्फत सार्वजनिक गरेको छ । गएको शुक्रबार राति आइसोलेशन कक्षमा तोडफोड भएको थियो ।

गएको साउन २५ गते सरकारले विद्यालय र क्याम्पसमा भएको क्वरेण्टीन र आइसोलेशन हटाउने निर्णय गरे पनि अस्पतालले आइसोलेशन नहटाएपछि क्याम्पस प्रशासन र स्थानीय आक्रोशित भएका थिए । क्याम्पस प्रशासनले आइसोलेशन हटाउन माग गर्दै पटक–पटक पत्राचार गरेको थियो ।

आइसोलेसन हटाउन पटक–पटक छलफल र बैठक भए पनि जिल्लास्तरीय कोभिड–१९ सङ्कट व्यवस्थापन समिति (डीसीसीएमसी) ले सङ्खुवासभामा आइसोलेशन निर्माण गर्न खाँदबारी आसपासमा जग्गा खोजी गरे पनि उपलब्ध हुन सकेको थिएन । खाँदबारी ९ को ढुङ्गेबिसौनीमा रहेको चन्द्रोदय आधारभूत विद्यालयमा आइसोलेशन निर्माण गर्ने तयारी गरिए पनि स्थानीयको विरोधपछि स्थगित भएको थियो ।

त्यहीबीचमा गएको मङ्गलबार धर्मदेवीको पिलुवामा रहेको क्वरेण्टीनमा पीसीआर परीक्षण गर्दा तीन जनाको पोजेटिभ रिर्पोट आएको हो । उनीहरुलाई तत्काल आइसोलेशन ल्याउने भएपछि विवाद उत्पन्न भएको हो ।
ती सङ्क्रमितको त्यही हिमालय क्याम्पसको आइसोलेशनमा राखेर उपचार भइरहेको छ भने जिल्लास्तरीय आइसोलेशन निर्माणका लागि जग्गा व्यवस्थापनको काम भइरहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

2 Comments

सुमन राज शर्मा
Aug. 23, 2020, 8:13 p.m.
कस्तो चिलथाङ्ग्रे क्याम्पस प्रमुख रहेछ ?पढेलेखेको मान्छे त हो यो? की भागबन्डा मिलाउने क्रममा नियुक्ति पाएको हो? बुद्धि भएको मान्छेले त यस्तो खालको निच कार्य गर्दैनन् त?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
Bishnu Bohara
Aug. 23, 2020, 6:38 p.m.
पक्राउ गर्ने मात्रै होइन,नीजका घरघरानाबाट क्षतिपूर्ति हर्जाना असुल उपर गरि क्याम्पस प्रमुखबाट भविष्यमा सरकारी सेवामा अयोग्य घोषणा गरि ६ महिना जेल सजायँ गरिनु पर्छ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आइसोलेशन तोडफोड गरेको आरोपमा क्याम्पस प्रमुख पक्राउ

(हिमालय किरण क्याम्पसको आइसोलेसन तोडफोड । तस्बिर—नवीन गुरुङ/उज्यालो)

2 Comments

सुमन राज शर्मा

तपाईको प्रतिक्रिया

Bishnu Bohara

तपाईको प्रतिक्रिया

तपाईको प्रतिक्रिया