बल्कोट–यूएई सम्पर्क समाजद्वारा कोरोना कहरकाबीच पौवामा बेन्च निर्माण

भदौ २२, २०७७ सोमबार १७:२:२४ | उमाकान्त पाण्डे

यूएई – बल्कोट, अर्घाखाँची – यूएई सम्पर्क समाजले बल्कोटको ऐतिहासिक, धार्मिक तथा पर्यटकीय स्थल बल्कोट पौवामा फलाम र काठबाट निर्मित पाँच वटा बेन्च निर्माण गरेको छ ।

रोजगारीका लागि दुबई आएका बल्कोटे युवाहरुले पौवाको पार्कमा २५ जना बस्न मिल्ने लामा बेन्चको निर्माण गरेका हुन् । समाजले आफ्नै सदस्यहरुबाट सहयोग स्वरुप रकम सङ्कलन गरेर एक लाख २५ हजार रुपैयाँ रकम जम्मा गरी बेन्च निर्माण गरेको संस्थाका अध्यक्ष टुमलाल पाण्डेले बताउनुभयो ।

दुबईमा रकम सङ्कलन गरी बुटवलमा बेन्चको निर्माण गरिएको हो । बेन्चको निर्माण घाम, पानीबाट रुझे पनि नबिग्रिने गरी गरिएको छ । समाजले सहयोग स्वरुप निर्माण गरेका बेन्चको शनिबार एक कार्यक्रम मार्फत हस्तान्तरण गरिएको छ ।

हस्तान्तरण कार्यक्रममा छत्रदेव गाउँपालिकाका अध्यक्ष लेखनाथ पोखरेलले गाउँपालिकाको विकासको लागि युवाहरुको प्रमुख भूमिका रहने बताउनुभयो । युवाहरुमा इच्छाशक्ति भएमा गाउँ टोलको विकासमा जुन ठाउँबाट पनि सहयोग गर्न सकिन्छ भन्ने गतिलो उदाहरण दिएको उहाँले बताउनुभयो ।

यस्तै उहाँले खाडी देशमा भएर पनि कोरोनाको महामारीकै बीच सामाजिक कार्य गरेकोमा आभार व्यक्त गर्नुभयो । समाजका सदस्यका परिवारको उपस्थितिमा बेन्चहरु पौवा व्यवस्थापन समितिलाई हस्तान्तरण गरिएको हो । कार्यक्रममा छत्रदेव गाउँपालिकाका विभिन्न वडाध्यक्ष सहित जनप्रतिनिधि, पौवा संरक्षक समितिका पदाधिकारीहरु, स्थानीय ज्येष्ठ, विभिन्न सामाजिक तथा राजनीतिक अगुवाहरुको उपस्थिति थियो ।

कार्यक्रममा बेन्च निर्माणमा प्रति परिवार २५ हजार रुपैयाँ सहयोग गरेकोमा छत्रदेव ३ साजबोटकी रुन्नतादेवी पाण्डे र फएडाँडाका गिरिबहादुर रायमाझीलाई प्रमाणपत्रसहित फूलमाला लगाएर सम्मान गरिएको छ । त्यस्तै समाजलाई स्थानीय रुपमा समन्वय गर्ने राजु घिमिरे, दामोदर पाण्डेलाई पनि समाजले सम्मान गरेको छ ।

स्थापना भएको दुई वर्ष नपुग्दै समाजले आफ्नो गाउँपालिकामा झण्डै १० लाख रुपैयाँ सहयोग प्रदान गरेको समाजका सचिव अमितप्रकाश पाण्डेले बताउनुभयो

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्