मध्यपहाडी लोकमार्गको बाग्लुङ खण्ड बन्द

 असोज ३, २०७७ शनिबार १३:४२:५५ | रासस
unn.prixa.net

काठमाण्डाै - पहिरो खसेपछि मध्यपहाडी पुष्पलाल लोकमार्गको बाग्लुङ खण्ड बन्द भएको छ ।

बाग्लुङको काठेखोला गाउँपालिका-५ इनारपानी र गलकोट नगरपालिका-९ बाँसखोलामा पहिरो खसेपछि लोकमार्ग बन्द भएको हो । आज बिहानदेखि लोकमार्गमा गाडी ठप्प भएका छन् । बुर्तिबाङ, खरबाङ, गलकोटलगायतका ठाउँबाट छोटो तथा लामो दूरीमा चल्ने गाडी र यात्रुबीचमै रोकिएका छन् ।

डोजर लगाएर पहिरो हटाउने काम थालिएको र दिउँसोसम्म सडक खुल्ने बाग्लुङका ट्राफिक प्रहरी प्रमुख शिव पाठकले बताउनुभयो ।


 

अन्तिम अपडेट: असोज ५, २०७७

तपाईको प्रतिक्रिया