काठमाडौंमा बस्ने दोलखालीलाई माथिल्लो तामाकोशी शेयर आवेदन दिने म्याद थप

साउन २४, २०७५ बिहीबार १९:२८:२५ | उषा तामाङ

दोलखा – काठमाडौंमा बसोबास गर्ने दोलखावासीका लागि माथिल्लो तामाकोशीको शेयर आवेदन भर्ने मिति ७ दिनका लागि थप भएको छ ।

दोलखा स्थायी घर भइ काठमाडौंमा बसोबास गर्दै आएका दोलखावासीका लागि शेयर आवेदन दिन माथिल्लो तामाकोशी हाइड्रोपावर लिमिटेडले १० दिनको समयसीमा दिएको थियो । त्यो समय सीमा शुक्रबार सकिँदैछ ।

काठमाडौंबाट सनराइज बैंकको १० शाखामा दोलखावासीको भीड अत्यन्तै बढेको र अझै शेयर आवेदन दिने दोलखावासी रहेको भन्दै ७ दिनको समय थप गरेको हो । अब शनिबारदेखि भदौ १ गतेसम्म शेयर आवेदन दिन पाउने छन् ।

यसैबीच अहिलेसम्म ५० हजार शेयर आवेदन परेको माथिल्लो तामाकोशी जलविद्युत आयोजनाले जनाएको छ । काठमाडौं उपत्यकाबाट झण्डै ४५ हजार र दोलखा जिल्लाबाट झण्डै ५ हजार शेयर आवेदन परेको हो ।

अहिलेसम्म ९७ करोड ८६ लाख रुपैयाँ बराबरको शेयर खरिदका लागि आवेदन परेको छ । काठमाडौंमा दैनिक १५ हजार र दोलखामा एक हजार जनाको आवेदन पर्ने गरेको माथिल्लो तामाकोशी जलविद्युत आयोजनाका प्रवक्ता डाक्टर गणेश न्यौपानेले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्