झुटा समाचार प्रकाशन गरी ब्ल्याकमेल गर्ने व्यक्ति पक्राउ

असोज १९, २०७७ सोमबार १३:३९:३६ | उज्यालो सहकर्मी

काठमाण्डौ – झुटा समाचार प्रकाशन गरी ब्ल्याकमेल गर्ने, साइबार अपराध तथा ठगी गर्ने एक व्यक्तिलाई प्रहरीले पक्राउ गरेको छ ।

कर्णाली आवाज डट कम मार्फत झुटा समाचार प्रकाशन गर्ने, कर्णाली एचडी फेसबुक तथा युट्युब च्यानलमार्फत अफवाहपूर्ण भिडियो प्रसारण गर्ने जुम्लाको कनका सुन्दरी गाउँपालिका ७ को रोकाया बडागाउँ बस्ने २६ वर्षीय पसल रोकायालाई प्रहरीले पक्राउ गरेको हो । ती व्यक्तिले दुवै पक्षको फेसबुकमा पेज एकाउन्ट बनाइ च्याट गरेको स्क्रिनशट समाचारको रुपमा प्रकाशन गर्ने गरेको प्रहरीले निकालेको विज्ञप्तिमा भनिएको छ ।

पक्राउ परेको रोकायाले पहिला पनि पटक पटक साइबर अपराध गरेको र अहिले पनि उनीमाथि ठगी मुद्दा चलिरहेको छ । विशेषगरी नर्सिङ पेसामा आबद्ध व्यक्तिहरुलाई रोकायाले निसाना बनाउने गरेको विज्ञप्तिमा उल्लेख छ । उनले सीटीईभीटी तथा नर्सिङमा नाम निकालिदिन्छु भनी यौन दु्र्व्यवहार तथा ब्ल्याकमेल गर्ने गरेका थिए ।

पसल रोकायाले सामाजिक सञ्जालको दुरुपयोग गरी नर्सिङ काउन्सिलका विभिन्न पदाधिकारी तथा अन्य व्यक्तिहरुको नाम तथा फोटो प्रयोग गरी सामाजिक सञ्जालमा नक्कली आईडी बनाएर ती आईडीहरुबाट जागिर लगाइदिन्छु, लोक सेवा परीक्षा पास गराइदिन्छु, नर्सिङ काउन्सिलको परीक्षामा नाम निकालिदिन्छु भनी रकमको बार्गेनिङ गरेको जस्तो देखिने दुवैतर्फको च्याट आफैले गरी त्याे च्याटको स्क्रिनशट गरी दर्ता नगरि आफैले सञ्चालन गरेको न्युज पाेर्टल र युट्युब च्यानलमार्फत समाचार बनाइ चरित्र हत्या गरेकाे विज्ञप्तिमा भनिएकाे छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्