एन्टिबायोटिकले पनि काम नगर्दा एक वर्षमै ३० लाख बालबालिकाको ज्यान गयाे : अध्ययन

चैत ३१, २०८१ आइतबार १८:३२:१ | एजेन्सी

एन्टिबायोटिक प्रतिरोधी सङ्क्रमणका कारण सन् २०२२ मा विश्वभर ३० लाख जनाभन्दा धेरै बालबालिकाको ज्यान गएको एक अध्ययनले दाबी गरेको छ ।

विश्व स्वास्थ्य सङ्गठन र विश्व बैंकसहित बहुस्रोतका तथ्याङ्क विश्लेषण गरेर बाल स्वास्थ्यका दुई प्रमुख विज्ञहरूले गरेको अध्ययनानुसार एन्टिबायोटिक प्रतिरोधी सङ्क्रमण वा एन्टिबायोटिकले समेत काम नगर्ने अवस्था आउने समस्या विश्वव्यापी रूपमा बढेको छ । यो समस्याबाट अफ्रिका र दक्षिण पूर्वी एशियाका बालबालिकाहरू सबैभन्दा बढी जोखिममा रहेका प्रतिवेदनलाई उद्धृत गर्दै बीबीसीले जनाएको छ ।

एन्टिबायोटिक औषधिले समेत काम नगर्ने गरी विकसित सङ्क्रमणलाई एन्टिमाइक्रोबियल रेसिस्टेस्ट (एएमआर) भनिन्छ । यसलाई अहिले विश्वको सम्पूर्ण जनसङ्ख्याले सामना गरिरहेको सबैभन्दा ठूलो सार्वजनिक स्वास्थ्य चुनौती मानिएको छ ।

प्रतिवेदनमा एएमआरसम्बन्धी सङ्क्रमण सन् २०२१ देखि ३ वर्षको अन्तरालमा १० गुणाले बढेको उल्लेख छ । एन्टिबायोटिक छालाको सङ्क्रमणदेखि निमोनियाजस्ता ब्याक्टेरियल इन्फेक्शनमा प्रयोग हुन्छ । यसलाई कहिलेकाहीँ उपचारभन्दा पहिले रोकथामका लागि पनि दिइन्छ ।

अध्ययनमा संलग्न विज्ञहरूले एन्टिबायोटिकको प्रयोग घटाउनुसँगै खोप, सरसफाइ र पोषण सुधारलगायत सुझाव दिएका छन् ।

अन्तिम अपडेट: बैशाख २, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एन्टिबायोटिकले पनि काम नगर्दा एक वर्षमै ३० लाख बालबालिकाको ज्यान गयाे : अध्ययन

साङ्केतिक तस्वीर

तपाईको प्रतिक्रिया