वडासदस्य नै काम खोज्दै कुवेतमा

 साउन २५, २०७५ शुक्रबार १८:३०:११ | एलबी थापा

प्यूठान – आफूले चुनाव जितेमा गाउँमै रोजगारी सिर्जना गर्ने र युवाहरुलाई विदेश जान नदिने भन्दै भोट मागेर चुनाव जितेका प्यूठानका एक जना जनप्रतिनिधि आफैँ वैदेशिक रोजगारीमा गएका छन् । 

प्यूठान स्वर्गद्वारी नगरपालिका १ का वडा सदस्य कोचिवाङका नारायण पुन मगर काम खोज्दै कुवेत जानुभएको हो । स्थानीय तहको चुनावमा राष्ट्रिय जनमोर्चाबाट उम्मेदवार बनेर वडा सदस्यमा निर्वाचित पुन मगर चुनाव सकिएको वर्ष दिन नपुग्दै विदेश जानुभएको हो । 

घरको आर्थिक स्थिती कमजोर भएपछि उहाँ दुई महिना अघि नै कुवेत गएको स्थानीयबासिन्दाले बताएका छन् । गाउँमै रोजगारी र स्वरोजगारी सिर्जना गर्ने नारासहित चुनाव जितेका प्रतिनिधि आफैं काम खोज्दै विदेशिएपछि वडाका युवाहरु निराश भएका छन् ।

गाउँमै केही गर्न सकिन्छ भन्ने आशमा रहेका उहाँका दौतरी र स्थानीयबासिन्दले जनप्रतिनिधि नै विदेश गएकाले गाउँमै धन कमाउने मेसो नभएको प्रतिक्रिया दिने गरेका छन् । स्थानीय तह चुनावमा पुन मगर राष्ट्रिय जनमोर्चाबाट ६ सय २७ मतसहित वडा सदस्यमा निर्वाचित हुनुभएको थियो ।

तर उहाँ विदेश गएको कसैलाई थाहा थिएन । गाउँबाट सुटुक्क विदेश पुगेका नारायणका बारेमा वडा अध्यक्ष मेघराज जिसीले उहाँ विदेश पुगेपछि मात्र थाहा पाएको बताउनुभयो ।

‘काठमाडौंमा कामका लागि बेला बेला जाने गरेको त थाहा पाएको थिएँ’, जिसीले भन्नुभयो, ‘कुवेत पुगेपछि मात्र विदेश गएको थाहा भयो ।’वडा अध्यक्ष जिसीले आफूहरुसँग विदेश जानेबारे कुनै सल्लाह नै नगरेको जानकारी दिनुभयो ।

विदेश पुगेपछि पुनमगरले फोन गर्दै चुनावमा उठेर गल्ती गरेको बताएका जिसीले बताउनुभयो  । आफूसँगको कुराकानीमा नारायणले गाउँमा समाजसेवा मात्र ठूलो नभएको भन्दै परिवार पाल्नको लागि आफू विदेशिनु परेको बताएको वडाध्यक्ष जिसीको भनाइ छ । 

परिवारले बुझे तलब

वडा सदस्य पदबाट राजीनामा नदिइकनै विदेश गएका वडा सदस्य पुन मगरको तलब परिवारले बुझेका छन् । निर्वाचित पुन मगरका परिवारले निर्वाचनपछि ८ महिनाको ७ हजारका दरले ५६ हजार रुपैयाँ तलब बुझेका हुन् । ८ महिना उहाँले वडा सदस्य भएर काम गर्नुभएको थियो । 

उहाँका घरमा बुवाआमा,श्रीमती र एक छोरा छन् । घर व्यवहार धान्ने एक्लो जिम्मा पुन मगरकै रहेको स्थानीयको भनाइ छ । उहाँ वडा सदस्यमा निर्वाचित हुनु अघि पनि रोजगारीका लागि विदेश नै जानुभएको थियो । 
 

अन्तिम अपडेट: मंसिर ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

एलबी थापा

एलबी थापा प्यूठानका उज्यालो सहकर्मी हुनुहुन्छ । 

2 Comments

  • ram

    Sept. 6, 2018, 9:32 p.m.

    के गरुन त विचरा, ७ हजारले के गरे /

  •  0 Reply

  • Suraj sangam

    Aug. 10, 2018, 11:10 p.m.

    जन्ताको सेवा गर्छु भनि मैदान मा उत्रिएको जनप्रतिनिधि बिचमै बिदेश पलाएन । योत जनतालाई धोका भयो

  •  0 Reply

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

नेपाल एअरलाइन्सको अन्तर्राष्ट्रिय भाडादरमा छुट

३

युक्रेनले पहिलो पटक बेलायती मिसाइल रुसमा प्रहार गर्‍यो

४

रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र प्रहार गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई