यस वर्षकाे साहित्यतर्फकाे नाेबेल पुरस्कार अमेरिकी कवयित्री लुइस ग्लुकलाई

असोज २२, २०७७ बिहीबार १८:२६:१ | एजेन्सी

काठमाण्डाै – यस वर्षको साहित्यतर्फको नोबेल पुरस्कार अमेरिकी कवयित्री लुइस ग्लुकलाई दिइने घोषणा भएको छ ।

द स्विडिस एकेडेमीले कवयित्री लुइस ग्लुकलाई साहित्यतर्फको नोबेल पुरस्कार दिने घोषणा गरेको हो । उहाँलाई सादा सौन्दर्यले व्यक्तिगत अस्तित्वलाई विश्वव्यापी बनाउँछ भन्ने अकाट्य काव्यिक आवाजको लागि यो पुरस्कार दिन लागिएको हो ।

सन् १९४३ मा अमेरिकाको न्युयोर्कमा जन्मिनुभएकी लुइस ग्लुकले यस पुलित्जर पुरस्कार र नेशनल ह्युम्यानिटिज अवार्ड लगायत प्रतिष्ठित पुरस्कार जितिसक्नुभएको छ । लुइसका कवितामा संवेदनशीलता र एक्लोपन, पारिवारिक सम्बन्ध र विच्छेद तथा मृत्युमाथि गहिरो अभिव्यक्ति पाइने गरेको छ ।

कवयित्री लुइसले सन् १९६८ मा ‘फर्स्टबोर्न’ बाट आफ्नो यात्रा सुरु गर्नुभयाे र छोटो समयमा नै अमेरिकी समकालीन साहित्यमा प्रमुख कविहरुमा सामेल हुनु भयाे । उहाँका १२ कविताहरुको सङ्ग्रह र केही निबन्ध प्रकाशित भएका छन् ।

लुइस ग्लकको सबैभन्दा प्रशंसा गरिएको सङ्ग्रहमध्ये एक ‘द वाइल्ड आइरिस’ हो, जुन सन् १९९२ मा प्रकाशित भएको थियो ।

सन् २०१९ मा साहित्यतर्फको नोबेल पुरस्कार अस्ट्रियायी मुल लेखक पिटर ह्यान्ड्केलाई दिइएको थियो । उहाँलाई यो पुरस्कार उनको सानदार लेखन र भाषामा नवीनतम प्रयोगको लागि दिइएको थियो ।

यस वर्षको चिकित्साशास्त्र, भौतिकशास्त्र र रसायनशास्त्र नोबेल पुरस्कार विजेताको घोषणा भइसकेको छ । अब शान्तिशास्त्र र अर्थशास्त्रतर्फको नोबेल पुरस्कार घोषणा हुन बाँकी छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्