भक्तपुर सामूहिक बलात्कार प्रकरणमा थप एक जना पक्राउ

असोज २३, २०७७ शुक्रबार १८:५८:४६ | उज्यालो सहकर्मी

भक्तपुर – यही असोज १७ गते भक्तपुर नगरपालिका–८ को कालाँचामा बसभित्र १७ वर्षीया किशोरीलाई सामूहिक बलात्कार गर्नेमध्ये फरार रहेका एक जना पक्राउ परेका छन् । उनलाई प्रहरीले झापाकाे भद्रपुरबाट पक्राउ गरी शुक्रबार भक्तपुर ल्याएको छ ।

महानगरीय प्रहरी परिसर भक्तपुरले पत्रकार सम्मेलन गरी बलात्कार आरोपी तीन जनालाई सार्वजनिक गरेको छ । किशोरीलाई बेहोस बनाएर र भक्तपुर ल्याएर पटक–पटक बलात्कार गरेको अभियोगमा फरार रहेका झापा भद्रपुरका २२ वर्षीय दिपेश राई पक्राउ परेका हुन् । उनलाई भक्तपुर प्रहरी र अपराध अनुसन्धान महाशाखाको टोलीले झापा प्रहरीसँगको समन्वयमा भद्रपुरबाट पक्राउ गरी भक्तपुर ल्याएर अनुसन्धान एवं कारबाही प्रक्रिया अगाडि बढाएको प्रहरी परिसर भक्तपुरकी प्रहरी उपरीक्षक तारादेवी थापाले जानकारी दिनुभयो ।

रत्नपार्कबाट किशोरीलाई पानीमा बेहोस हुने औषधि खुवाएर भक्तपुर ल्याएर आफूले पटक–पटक बलात्कार गरी अन्य दुई जनालाई पनि बलात्कार गर्न दिइ राई फरार भएका थिए ।

यसअघि रत्नपार्क–भक्तपुर रुटमा चल्ने बा ३ ख २६१२ नम्बरको बसमा किशोरीलाई रातभरि पटक–पटक बलात्कार गरेको अभियोगमा प्रहरीले घटनास्थलबाट सिन्धुपाल्चोक साँगाचोकगढी १० घर भएका २२ वर्षीय निरकुमार खड्का र जुगल गाउँपालिका–४ पाङताङका घर भएका सूर्य श्रेष्ठलाई पक्राउ गरेको थियो । उनीहरुलाई पक्राउ गरेपछि प्रहरीले किशोरीको उद्धार गरेको थियो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भक्तपुर सामूहिक बलात्कार प्रकरणमा थप एक जना पक्राउ

प्रतिकात्मक तस्बिर

तपाईको प्रतिक्रिया