बालकलाई म्यासेन्जरमा अश्लिल भिडिओ पठाउने युवक पक्राउ

असोज २९, २०७७ बिहीबार १५:४३:४२ | उज्यालो सहकर्मी

काठमाण्डौ – एक बालकलाई फेसबुक म्यासेन्जरमा अश्लिल भिडिओ पठाएर हैरान बनाउने एक युवकलाई प्रहरीले काठमाण्डौबाट पक्राउ गरेको छ ।

खोटाङको रावाबेसी गाउँपालिका घर भइ काठमाण्डौको कागेश्वरी मनहरा बस्ने २१ वर्षीय प्रविण ढकाललाई पक्राउ गरिएको प्रहरीले जनाएको छ । ढकालले छिमेकी बालकलाई फेसबुक म्यासेन्जरमा अश्लिल भिडिओ पठाएर हैरानी दिएपछि बालकको परिवारले नेपाल प्रहरीको साइबर ब्युरोमा उजुरी दिएका थिए ।

उजुरीको आधारमा ढकाललाई पक्राउ गरेर कारबाहीको लागि जिल्ला अदालत काठमाण्डौमा मुद्दा दायर गरिएको प्रहरीले जनाएको छ ।

यस्तै ढकारी गाउँपालिका अनलाइनखबर फेसबुक पेज खोलेर युवतीको चरित्र हत्या गर्ने एक युवकलाई पनि प्रहरीले पक्राउ गरेको छ । अपाच्य स्टाटस लेख्ने, फोटो सम्पादन गरेर युवतीहरुलाई अश्लिल देखाउने लगायतका काम गरेको आरोपमा प्रहरीले अछामको ढकारी गाउँपालिका चैनपुरका किरण बुढालाई प्रक्राउ गरेको हो ।

उनले अन्य विभिन्न फेक एकाउन्ट बनाएर चर्चित कलाकारहरुको फोटो सम्पादन गरी अश्लिलता फैलाएको, चरित्र हत्या गरेको तथा हैरानी दिएको प्रहरीले जनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्