वर्षाले राजमार्ग बन्द, खोल्ने प्रयास जारी

साउन २६, २०७५ शनिबार १७:३३:४५ | विमल बिष्ट

डोटी - लगातारको वर्षाका कारण डोटीको सिलगढी र अछामको साँफे जोड्ने पहलमान सिंह स्वाँर राजमार्ग बन्द भएको छ ।

बन्द भएको राजमार्ग नेपाली सेनाको रुद्रध्वज गण तथा जिल्ला प्रहरी कार्यालय डोटीको प्रहरी टोलीले बिहानै देखी सुचारु गर्न लागि परेको छ ।

डोटीको सिलगढीमा रहेको उडितोलमा पहिरो आउँदो राजमार्ग शुक्रबार रातिदेिख बन्द भएको जिल्ला प्रहरी कार्यालय डोटीका प्रहरी प्रवक्ता डिएसपी लालबहादुर धामीले बताउनुभयो ।

उहाँले भन्नुभयो ‘पहिरोले करिब ५० मिटर सडक पुरेको छ,बिहानैदेखि प्रहरी तथा सेनाको टोलीले पहिरो पन्छाउदै छ, एक दुई घण्टामा राजमार्ग सुचारु हुने छ ।’
लगातारको बर्षाका कारण डोटीमा रहेका स्थानिय सडकहरु समेत बन्द भएका छन् ।

यहाँका ग्रामीण क्षेत्रमा रहेका सडकमा ठूल्ठूला पहिरो आँदा सडक बन्द भएका हुन् ।

सडक बन्द भएपछि ग्रामीण क्षेत्रमा सवारी साधन चलाउन बन्द भएको शैलेस्वरी यातायात व्यवसायी समितिका रुट इन्चार्ज प्रेमबहादुर रावलले बताउनुभयो ।

राजमार्ग बन्द भएपछि तराईबाट पहाड आउने र पहाडबाट तराई जान हिडेका सवारी साधन र यात्रुहरु बीच बाटोमै अलपत्र परेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्