प्रहरीमा भर्ती हुन दोहोरो नागरिकता लिन खोज्ने कञ्चनपुका युवक पक्राउ

कात्तिक २१, २०७७ शुक्रबार १८:४४:४१ | दुर्गा उपाध्याय

कञ्चनपुर – प्रहरीमा भर्ती हुन जन्ममिति घटाएर दोहोरो नागरिकता लिन खोजेको आरोपमा कञ्चनपुरमा एक जना युवक पक्राउ परेका छन् । नाम र जन्ममिति परिवर्तन गरेर दोहोरो नागरिकता लिन खोजेका महाकाली नगरपालिका ७ का गोविन्द सुनारलाई प्रशासन कार्यालयले शुक्रबार पक्राउ गरेको हो ।

सुनारले यसअघि २०७२ सालमा २०५४ फागुन २० गतेको जन्ममिति राखेर गोविन्द सुनारको नामबाट नागरिकता लिएका थिए । प्रहरीमा भर्ती हुन शुक्रबार दोस्रो पटक नागरिकता लिन प्रशासन पुगेका उनले जन्ममिति २०५८ साल माघ २ गते राखेर गोविन सुनारको नामबाट दोहोरो नागरिकता लिन खोजेको भेटिएको कञ्चनपुरका प्रमुख जिल्ला अधिकारी रामकुमार महतोले जानकारी दिनुभयो ।

उहाँका अनुसार सुनारले नागरिकताका लागि ल्याएको सिफारिस र पुरानो अभिलेखमा समेत बुवाको नाम वीरबहादुर सुनार र आमाको नाम होमावती सुनार रहेको छ ।

नागरिकता दिनका लागि सुनारको डाटा कम्प्युटरमा राख्दा दोहोरो देखिएको र सोधपुछ गर्दा ढाँटेको शङ्का लागेपछि पुरानो अभिलेखमा हेर्दा दोहोरो देखिएको प्रजिअ महतोले बताउनुभयो । सुनारले प्रहरीमा भर्ना हुनका लागि उमेर घटाएर दोहोरो नागरिकता लिन खोजेको प्रारम्भिक अनुसन्धानबाट खुलेको जिल्ला प्रशासन कार्यालयकी प्रशासकीय अधिकृत कल्पना भट्टले बताउनुभयो ।

उहाँका अनुसार कम्प्युटरमा डाटा इन्ट्री गर्दा दोहोरो देखाएपछि अभिलेखमा भिडाउँदा समेत सुनारले शुक्रबार पेस गरेको फोटो पुरानो ढड्डामा रहेको फोटो रहेको भेटिएको छ, जसले गर्दा उनलाई नियन्त्रणमा लिन सजिलो भएको भट्टले बताउनुभयो ।

उहाँका अनुसार बिहीबारसमेत महाकाली नगरपालिकाका अर्का एक जना युवकसमेत दोहोरो नागरिकताका लागि आएका थिए । वडाको सिफारिस लिएका आएका उनी र वडा कार्यालयसँग पनि त्यसबारेमा बुझ्ने काम भइरहेको छ ।

शुक्रबार पक्राउ परेको सुनारलाई थप अनुसन्धानका लागि जिल्ला प्रहरी कार्यालय कञ्चनपुरमा राखिएको र उनीमाथि आवश्यक कारबाही हुने प्रहरी प्रवक्ता अमरबहादुर थापाले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रहरीमा भर्ती हुन दोहोरो नागरिकता लिन खोज्ने कञ्चनपुका युवक पक्राउ

प्रतिकात्मक तस्बिर

तपाईको प्रतिक्रिया