गड्डाचौकी भएर भारत ओहोर–दोहोर गर्ने नाका अवरुद्ध

साउन २७, २०७५ आइतबार १९:३७:० | रासस

कञ्चनपुर – महाकाली नदीमा पानीको बहाव बढेपछि कञ्चनपुरको पश्चिमी नाका गड्डाचौकी भएर भारत ओहोर–दोहोर अवरुद्ध भएको छ ।

महाकाली नदीमा पानीको बहाव बढेसँगै भारतीय पक्षले शारदा ब्यारेज (बनबासा) पुलमा चारपाङ्ग्रे सवारी साधनको अवागमन बन्द गरेको इलाका प्रहरी कार्यालय गड्डाचौकीले जनाएको छ ।

आज बिहान गरिएको मापनअनुसार महाकाली नदीमा पानीको बहाव एक लाख १७ हजार ४०० क्युसेक रहेको प्रहरीले जनाएको छ । गड्डाचौकी प्रहरीले बिहान १० बजेदेखि पुलमा पैदल र मोटरसाइकल चल्न दिइए पनि ठूला सवारीसाधन रोक लगाइएको छ ।

विगत लामो समयदेखि पुल जीर्ण भएका कारण भारतीय पक्षले महाकाली नदीमा पानीको बहाव एक लाख क्युसेक पुग्दा आवागमनमा रोक लगाउँदै आएको छ ।

इलाका प्रहरी कार्यालय गड्डाचौकीका प्रमुख प्रहरी नायब निरीक्षक डिकरदेव पन्तले महाकालीमा पानीको बहाव बढ्दै गएको जानकारी दिनुभयो । उहाँले पानीको बहाव बढेसँगै महाकाली नदी किनारका बासिन्दालाई सतर्कता अपनाउन आग्रहसमेत गरिएको बताउनुभयो ।

शनिबार रातिदेखि भइरहेको वर्षाका कारण कञ्चनपुरका विभिन्न नदी तथा खोलामा पानीको बहाव बढ्नुका साथै जनजीवनसमेत प्रभावित बनेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्