ऋषि र नितु कपूरले स्वीकारे आलियालाई, रणवीर–आलियाको विवाह अर्को वर्ष हुन सक्ने

साउन २८, २०७५ सोमबार १७:१५:४७ | एजेन्सी

बलिउड अभिनेता रणवीर कपूर र आलिया भट्टबीचको प्रेमसम्बन्ध लामो समयदेखि चर्चाको विषय बनेको छ । यी दुवै कैयौं पटक एकअर्काको साथमा समय बिताइरहेका खबरहरु आइरहन्छन् ।

अहिले फेरि रणवीर र आलियाको विवाहको चर्चा भइरहेको छ । खबरहरका अनुसार यी दुवैले अर्को वर्षभित्रमा विवाह गर्नसक्ने बताइएको छ । रणवीर कपूरका बुवा आमाले पनि आलियालाई मन पराइसकेका छन् ।

खबरहरुका अनुसार रणवीर कपूरका यस अघिका कुनै पनि प्रेमिकाहरुलाई उनका बुवा ऋषि कपूर र नितु कपूरले मन पराएका थिएनन् । रणवीरकी यसअघिकी प्रेमिकाहरु दीपिका पादुकोण र कट्रिना कैफसँगको सम्बन्धलाई ऋषि कपूरले स्वीकार गरेका थिएनन् । साथै उनकी आमा नितु कपूर त झन दीपिका र कट्रिना वा अन्य प्रेमिकाहरुसँग कुरा गर्न समेत रुचाउँथिनन् । तर आलिया भट्टलाई भने ऋषि र नितु कपूर दुवैले मन पराएका छन ।

अभिनेत्री आलिया भट्टलाई कपूर खानदानले बुहारीको रुपमा स्वीकार गर्न राजी भइसकेका छन । तसर्थ यी दुवैको विवाह अर्को वर्षभित्रै हुन सक्ने खबरहरु अहिले भारतीय मिडियामा आइरहेका छन् ।

केही दिन अगाडी आलियाले समेत बिवाहले उनको करियरमा कुनै पनि फरक नपर्ने र बिवाह पछि पनि अभिनय जारी राख्ने बताएकी थिइन् ।

यसअघि रणवीरका बुवा ऋषि कपूरले समेत एक अन्तर्वार्तामा छोरा रणवीरको छिट्टै विवाह भएको हेर्न चाहेको र रणवीरले उनले मन पराएकी प्रेमिकाका साथ विवाह गर्न सक्ने बताएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्