महोत्तरीका विभिन्न ठाउँमा आगलागी : ५ कराेड रुपैयाँ बराबरकाे क्षति

मंसिर ८, २०७७ सोमबार १९:७:५४ | धनवीर महतो

महोत्तरी – महाेत्तरीका विभिन्न ठाउँमा आगलागी हुँदा पाँच कराेडभन्दा बढीकाे क्षति भएको छ ।

आइतबार राति औरही नगरपालिका १ मा रहेकाे महेश साह रौनियारको दुई तले पक्की घरमा बिजुली शर्ट भइ आगलागी हुँदा पाँच करोड ६३ लाख ६७ हजार दुई सय रुपैयाँ बराबरको सरसमान जलेर नष्ट भएको जिल्ला प्रहरी कार्यालय महोत्तरीले जनाएको छ ।

आगलगीमा त्यस भवनमा सञ्चालित साधना लघुवित वितीय संस्थाको शाखा कार्यालय तथा सुबिसु केबल नेटको आउटलेट शाखाका सरसमानहरू जलेर नष्ट भएको हो । त्यस्तै त्यही भवनमा सञ्चालित अम्बिका जनरल स्टोर्सको हार्डवेयरका समान र सिमेन्टहरू जलेर नष्ट भएको प्रहरी नायब उपरीक्षक (डीएसपी) प्रकाश विष्टले जानकारी दिनुभएकाे छ ।

त्याे आगाे जलेश्वर नगरपालिका, बर्दिवास नगरपालिका, धनुषाको क्षीरेश्वरनाथ नगरपालिका, जनकपुर उपमहानगरपालिका र स्थानीय गरी पाँच वटा दमकल, ६६ जना प्रहरीको टोली र स्थानीयको सहयोगमा नियन्त्रणमा लिएकाे जिल्ला प्रहरी कार्यालय महोत्तरीले जनाएको छ ।

४० कोठेकाे दुई तले पक्की घरमा भएकाे आगलागीमा मानवीय क्षति भने नभएको प्रहरीले जनाएको छ ।

त्यस्तै औरही नगरपालिका ४ काे कठुधारमा राजकरण यादवले सञ्चालन गर्दै आएको कुखुरा फर्ममा आगलागी हुँदा दुई लाख बराबरको क्षति भएको छ । यता बलवा नगरपालिका ८ काे भलौटाका रामहृदय यादवले सञ्चालनमा ल्याएको दाजुभाइ पोल्टी फर्ममा आगलागी हुँदा एक लाख ५० हजार बराबरको क्षति भएको जिल्ला प्रहरी कार्यालय महोत्तरीले जनाएको छ ।

यी घटनाको सम्बन्धमा थप अनुसन्धान भइरहेको प्रहरीले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्