अहिलेकै सरकारले समृद्धिको यात्रा तय गर्नेछ : मन्त्री भट्ट

मंसिर १३, २०७७ शनिबार २०:२३:३ | रासस

उद्योग वाणिज्य तथा आपूर्तिमन्त्री लेखराज भट्टले अहिलेकै सरकारले समृद्धिको यात्रा तय गर्ने बताउनुभएको छ ।

आज कैलालीको लम्कीचुहामा लम्की–टीकापुर–खक्रौला सडकको शिलान्यास कार्यक्रमलाई सम्बोधन गर्दै उहाँले विगतका सरकारभन्दा अहिलेको सरकार विकास र समृद्धिको लागि अनवरतरूपमा लागिपरेको बताउनुभयो ।

मन्त्री भट्टले जनताको आशा/भरोसाअनुसारका काम गर्न जनताको सरकार लागिपरेको बताउँदै सरकार कुनै पनि हालतमा नढल्ने र जनताका चाहनाबमोजिम काम गर्नेमा शङ्का नगर्न आग्रह गर्नुभयो । हिजो देखेका सपना साकार गर्न तल्लीन रहेकाले केही समयमा सरकारका काम देखिने बताउँदै उहाँले यही सरकारको परिकल्पनामा निर्माणको क्रममा रहेका राष्ट्रिय गौरवका आयोजनाको काम सकिएर सञ्चालनमा आएपछि जनताले पनि सरकारको कामको गर्वका साथ प्रशंसा गर्ने दाबी गर्नुभयो ।

मन्त्री भट्टले जनताले मत दिएर आफ्नो जिम्मेवारी पूरा भएको नसोची सरकारका गतिविधिमा चनाखोका साथ सल्लाह, सुझाव तथा सहभागिता देखाउनुपर्नेमा जोड दिंदै राज्यले परिकल्पना गरेका औद्योगिक क्षेत्र, बाटाघाटा, सुक्खा बन्दरगाह तथा बहुप्रतिक्षित पूर्वपश्चिम रेलमार्ग सञ्चालनका लागि पनि राज्य तदारुकताका साथ लागिरहेकाले यही सरकार समृद्धि यात्राको पाइलट भएको बताउनुभयो ।

देश अब औद्योगिक युगमा प्रवेश गर्ने बताउँदै उहाँले सरकारले राम्रो काम गरेको देख्न नचाहने र देशमा अस्थिरता चाहनेले जनता भड्काउन तल्लीन रहेको दाबी गर्नुभयो ।

मन्त्री भट्टले पार्टीमा देखिएका केही समस्याका कारण नेकपा फुट्छ भनेर खुशी मनाउन तयार भएकालाई दुई अध्यक्षले निरास बनाउनुहुन्छ भन्ने कुरामा आफू ढुक्क भएको बताउँदै नेकपा कुनै पनि हालतमा नफुट्ने दाबी गर्नुभयो ।

भौतिक पूर्वाधार तथा यातायात मन्त्री वसन्तकुमार नेम्वाङले गफ गरेरभन्दा काम गरेर अघि बढ्ने कुरामा विश्वास राख्ने अहिलेको सरकार भएको बताउँदै प्रधानमन्त्री केपी शर्मा ओलीकै पालामा देश विकासशील देशको सूचीमा पर्ने र त्यसैको थालनी स्वरुप विकास आयोजनाका काम अघि बढेको छ भन्नुभयो ।

उहाँले लम्की–टीकापुर–खक्रौला सडक निर्माण कम्पनीले समयावधिभित्रै सक्नुपर्नेमा जोड दिदैं सरकार कुनै पनि बहाना सुन्ने अवस्थामा नरहेको बताउनुभयो । मन्त्री नेम्वाङले पश्चिममा गड्डाचौकीदेखि चिसापानीसम्म चार लेनको सडकको आवश्यकता रहेको उल्लेख गर्दै यसको प्रक्रिया अघि बढाएमा आफूबाट पूरा सहयोग रहने विश्वास व्यक्त गर्नुभयो ।

उहाँले जनताले प्राप्त गरेको यो स्थायी सरकार अहिले सुखी नेपाली, समृद्ध नेपालको अभियान बोकेर अघि बढेको बताउँदै जनताले दिएको पाँच वर्षको समयावधिमा यो सरकार समृद्धि यात्रामा अघि लम्कने विश्वास व्यक्त गर्नुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्