तलब बढाउने सहमतिपछि निर्माणाधीन अरुण तेस्रोको आन्दोलन स्थगित, बुधबार बिहानैदेखि काम शुरु

मंसिर २४, २०७७ बुधबार १३:४९:४६ | नवीन गुरुङ

संखुवासभा – संखुवासभामा निर्माणधीन नौ सय मेगावाटको अरुण तेस्रो जलविद्युत आयोजनामा कार्यरत मजदुरहरुको तलबभत्ता बढाउने सहमति भएपछि बुधबार बिहानदेखि काम शुरु भएको छ ।

तलब बढाउनु पर्ने माग राख्र्दै मजदुरहरुले सोमबारदेखि आन्दोलन गर्दै काम अवरुद्ध गरेपछि मंगलबार राति बसेको छलफलले सहमति गरेको हो । स्थानीय जनप्रतिनिधि, प्रशासन र मजदुरहरुबीच बसेको छलफलले जिल्ल्लामा चलेको दरअनुसार तलबभत्ता दिने, ८ घण्टा माथि काम गर्नेलाई १ दशमलश ५ प्रतिशतले ओभरटाइम दिने, जुनसुकै कामदारलाई काम बिगारेको खण्डमा स्पष्टिकरण सोध्ने र सफाईको एकपटक मौका दिएर मात्रै कामबाट निकाल्ने र महिना मरेपछि तलबभत्ता बैंक खातामा जम्मा गर्ने लगायत बुदाँहरुमा समति भएको हो ।

जिल्ला दररेट अनुसार, दक्ष मजदुरले ९ सय ४० रुपैयाँ, अर्धदक्षले ७ सय ७५ रुपैयाँ र ज्यामीले ६ सय ५० रुपैयाँ पाउनु पर्ने र ८ घण्टाको डियूटी भए पनि १२ घण्टा सम्म दिन र रातमा काम गरिरहेको हुदाँ कम्पनीले ओभरटाइमको पैसा दिनुपर्ने, मजदुरहरुलाई हरेक महिनाको १५ तारिख भित्र तलबभत्ता बैंक खातामा जम्मा हुनुपर्ने, साप्ताहिक, पाक्षिक र मासिक रुपमा पाउने बिदा दिनुपर्ने, बिरामी बिदा दिनुपर्ने र बिना कारण मजदुरहलाई कामबाट निकाल्ने काम बन्द गर्नुपर्ने लगायतका ९ बुँदे माग राखेर काम अवरुद्ध पारेका थिए ।

मजदुरहरुको माग अनुसार दुवै पक्षबीच सहमति भएपछि बुधबारबाट काम सञ्चालनमा आएको मकालु गाउँपालिकाका अध्यक्ष तेजबहादुर पोख्रेलले बताउनुभयो । संखुवासभाको मकालु गाउँपालिका-५ फ्याक्सिन्दा दोभानमा अरुणतेस्रो बाँधस्थल निर्माणधीन रहेको छ भने चिचिला गाउँपालिका–२ दिदिङ्ग पुखुवामा पावरहाउस निर्माण भइरहेको छ ।

अरुण तेस्रो परियोजनामा कूल १ खर्ब ४४ अर्ब रुपैयाँ लागत लाग्ने अनुमान गरिएको छ । भने सन् २०२२ भित्र विद्युत् उत्पादन गर्ने जनाइएकाे छ ।

अन्तिम अपडेट: कात्तिक २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तलब बढाउने सहमतिपछि निर्माणाधीन अरुण तेस्रोको आन्दोलन स्थगित, बुधबार बिहानैदेखि काम शुरु

अरुण तेस्रोको बाँधस्थल, फ्याक्सिन्दा दोभान

तपाईको प्रतिक्रिया