बराहपोखरीकाे जग्गा अतिक्रमण गरेर बनाइएका घर–टहरा हटाउन अन्तिम समयसीमा

मंसिर २५, २०७७ बिहीबार १९:३८:४९ | उज्यालो सहकर्मी

खोटाङ – खोटाङको धार्मिक तथा पर्यटकीयस्थल बराहपोखरीको जग्गा अतिक्रमण गरेर निर्माण गरिएका घर–टहरा हटाउनका लागि गाउँपालिकाले अन्तिम पटक समय दिएको छ ।

बराहपोखरी गाउँपालिका १ बराहपोखरीमा रहेको शङ्खेश्वर मन्दिरको गुठी र आसपासको सार्वजनिक जग्गा अतिक्रमण गरी निर्माण गरिएका घर–टहरा हटाउनका लागि तीन पटक दिइएको समयलाई स्थानीयले बेवास्ता गरेपछि गाउँपालिका यसप्रति आक्रामक बनेको हो । गएको मङ्सिर १८ गतेको गाउँ कार्यपालिकाको बैठकको निर्णयअनुसार १० दिनको अवधि दिएर मङ्सिर २१ गते २७ व्यक्तिको नामावलीसहित अन्तिम पटक सूचना जारी गरिएको गाउँपालिकाले जनाएको छ ।

बराहपोखरीका सार्वजनिक जग्गा अतिक्रमण गरेर बसेका व्यक्तिलाई घर–टहरा हटाउन २०७५ साल असोज ८ गते, २०७५ साल चैत ४ गते र २०७६ साल मङ्सिर ३० गते सूचना प्रकाशन गरी अनुरोध गरिए पनि अटेर गरिएकाले घर–टहरा हटाउन अन्तिम पटक सूचना प्रकाशन गरिएको गाउँपालिकाका अध्यक्ष शालिकराम बञ्जराले बताउनुभयो । नेपाल सरकारको सय वटा गन्तव्यको सूचीमा समावेश बराहपोखरीको जग्गा अतिक्रमण गरेर बसिरहेकाको नाममा गाउँपालिकाले सूचना जारी गरेको हो ।

स्थानीय सरकार सञ्चालन ऐन २०७४ को दफा ११ को उपदफा (२) को खण्ड (क) को देहाय २ (ट) मा अनाधिकृत निर्माण तथा सार्वजनिक सम्पत्ति अतिक्रमण, रोकथाम तथा नियन्त्रण गर्ने अधिकार गाउँपालिकामा निहित रहेअनुसार बराहपोखरीको शङ्खेश्वरमन्दिरको गुठी र आसपासको सार्वजनिक जग्गा खाली गर्दै संरक्षण गर्ने अभियान चालिएको हो । सार्वजनिक जग्गा मिचेर बनाइएका घर तथा टहरा तोकिएको समयभित्र नहटाइए स्थानीय प्रशासनको साथ लिएर बल प्रयोग गरेर हटाइने गाउँपालिकाको सूचनामा उल्लेख छ ।

खोटाङको धार्मिक तथा पर्यटकीयस्थल बराहपोखरीको पर्यटन प्रवर्द्धनका लागि डीपीआर तयार पारेर योजनाबद्ध ढङ्गले लागेको गाउँपालिकाले बराहपोखरी शङ्खेश्वर मन्दिर गुठी तथा त्यस आसपासका जग्गामा बनाइएका घर–टहरा बाधकका रुपमा देखिएपछि हटाउने अभियान थालिएको हो । पालिकालाई सुन्दर र व्यवस्थित बनाउँदै सार्वजनिक सम्पत्तिको रक्षाका लागि मापदण्ड विपरीतका घर तथा टहरा हटाउने अभियान चलाइएको गाउँपालिका अध्यक्ष बञ्जराले बताउनुभयो ।

अन्तिम अपडेट: माघ २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बराहपोखरीकाे जग्गा अतिक्रमण गरेर बनाइएका घर–टहरा हटाउन अन्तिम समयसीमा

तस्बिर : धार्मिक तथा पर्यटकीयस्थल बराहपोखरी

तपाईको प्रतिक्रिया