ट्र्याक्टर र मोटरसाइकल ठोक्किँदा सङ्खुवासभामा एक जनाको ज्यान गयो

 मंसिर २६, २०७७ शुक्रबार १४:३३:३७ | नवीन गुरुङ
unn.prixa.net

सङ्खुवासभा – सङ्खुवासभाको खाँदबारी नगरपालिका ९ तुम्लिङटारमा शुक्रबार मध्याह्न ट्र्याक्टर र मोटरसाइकल ठोक्किँदा एक जनाको ज्यान गएको छ ।

दुर्घटनामा घाइते भएका खाँदबारी १ चाँदनी चोकका २५ वर्षीय दिवश राईको उपचारको क्रममा तुम्लिङटारमा रहेको मनकामना अस्पतालमा ज्यान गएको जिल्ला प्रहरी कार्यालय सङ्खुवासभा प्रहरी निरीक्षक (इन्स्पेक्टर) सन्तोष बुढाथोकीले जानकारी दिनुभयो । 

उहाँका अनुसार १२ बजेको समयमा तुम्लिङटारबाट खाँदबारी आउँदै गरेको को २ त ४३१९ नम्बरको ट्र्याक्टर र खाँदबारीबाट तुम्लिङ्गटार जाँदै गरेको ना ४५ प २०७० नम्बरको मोटरसाइल एकआपसमा ठोक्किएको थियो । 

मोटरसाइकलमा सवार दिवसका साथी २७ वर्षीय मनोज सोनाम लिम्बुको मनकामना अस्पतालमा सामान्य उपचारपछि थप उपचारको लागि काठमाण्डौ लैजाने तयारी भइरहेको प्रहरीले जनाएको छ । ट्र्याक्टरसहित चालकलाई पनि नियन्त्रणमा लिइएको छ ।  

अन्तिम अपडेट: चैत १५, २०८०

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ । 

तपाईको प्रतिक्रिया