कोरोना भाइरसको 'नयाँ प्रकार' देखिएको बेलायतमा फाइजर र मोडेर्नाको खोप परीक्षण

खाेपले काम गर्ने वा नगर्नेबारेमा एक हप्तामा मात्रै थाहा हुने

पुष ७, २०७७ मंगलबार १९:१०:२१ | एजेन्सी

काठमाण्डाै – कोरोना भाइरसको 'नयाँ प्रकार' देखिएको बेलायतमा फाइजर, बायाेटेक र मोडेर्नाको खोप परीक्षण गरिएको छ । यी खोपले नयाँ प्रकारको कोरोनाका लागि काम गर्छ कि गर्दैन भनेर थाहा पाउन परीक्षण गरिएको स्वास्थ्य अधिकारीले बताएका छन् ।

परीक्षणका लागि केही रगत सङ्कलन गरिएको छ । बेलायतमा गरिएको यो परीक्षणबाट त्यसले काम गर्ने वा नगर्नेबारेमा एक हप्तामा मात्रै यकिन हुने खबरमा उल्लेख छ । तर कोरोना भाइरसविरुद्धको खोप हुनाले काम गर्ने सम्भावना उच्च रहेको मोडेर्नाले दाबी गरेको छ ।

भाइरसमा धेरै परिर्वतन थपिन गयो भने त्यो चिन्ता गर्नुपर्ने विषय हुन सक्ने क्याम्ब्रिज विश्वविद्यालयका प्राध्यापक रवि गुप्ताले बताउनुभएको छ । बेलायतमा देखिएको कोरोना भाइरसको 'नयाँ प्रकार' लाई लिएर अन्तर्राष्ट्रियरूपमै चिन्ता बढ्दो छ । अहिलेसम्म ४० वटाभन्दा बढी देशले बेलायतबाट हुने आगमनमा रोक लगाएका छन् ।

बेलायतका स्वास्थ्यमन्त्री म्याट ह्यानककले कम्तीमा ६० अलग–अलग स्थानीय प्रशासनले यस नयाँ प्रकारको कोभिड सङ्क्रमण भेटिएको जानकारी दिएको बताउनुभएको थियाे ।

विश्व स्वास्थ्य सङ्गठन (डब्ल्यूएचओ) ले यसलाई जानकारी लिएको र बेलायती वैज्ञानिकले यसबारेमा विस्तृत अध्ययन गरिरहेको उहाँले बताउनुभएको थियाे ।

यो नयाँ प्रकारको सङ्क्रमण अझ फैलिन सक्ने र खोपले पनि यसलाई काम नगर्ने हुन सक्ने मन्त्रीको भनाइ थियाे ।

उहाँले पछिल्लो हप्ता लण्डन, केन्ट एसेक्स र हर्टफोर्डशायरका क्षेत्रमा कोरोना भाइरसको सङ्क्रमण तीव्र गतिमा फैलिरहेकोबारे सदनलाई जानकारी दिनुभएको थियाे ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्