भारतीय पूर्वप्रधानमन्त्री बाजपेयीको अवस्था अत्यन्तै गम्भीर

साउन ३०, २०७५ बिहीबार ०:५२:३७ | एजेन्सी

भारतका पूर्वप्रधानमन्त्री अटल बिहारी बाजपेयीको स्वास्थ्य अवस्था अत्यन्तै नाजुक भएको छ ।

दिल्लीमा रहेको अखिल भारतीय आयुर्विज्ञान(एम्स) ले एक विज्ञप्ति जारी गर्दै बाजपेयीको स्वास्थ्य गम्भीर बन्दै गएको जनाएको छ ।

एम्सले जनाएअनुसार बाजपेयीलाई लाइफ सपोर्ट सिस्टम(जीवन रक्षक प्रणाली) मा राखेर उपचार भैरहेको छ ।

बुधबार बेलुका भारतीय प्रधानमन्त्री नरेन्द्र मोदी अस्पताल पुगेर बाजपेयीको स्वास्थ्यअवस्था बुझेका छन् । ९३ वर्षीय बाजपेयी ९ हप्तादेखि एम्समा भर्ना भएका थिए । गएको जुनमा मिर्गौलामा संक्रमण भएपछि बाजेपेयीलाई अस्पताल भर्ना गरिएको थियो ।

भारतीय जनता पार्टीका संस्थापकसमेत रहेका बाजपेयी ३ पटक भारतको प्रधानमन्त्री बनेका थिए । भारतको सर्वोच्च नागरिक सम्मान भारत रत्नबाट समेत बाजपेयीलाई सम्मानित गरिएको छ ।

अटल बिहारी बाजपेयी नौ पटक लोकसभामा निर्वाचित भएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्