बत्ती गएको गयै, प्राधिकरण भन्छ– ‘बिजुली काटेका छैनौँ’

पुष २३, २०७७ बिहीबार १५:५७:१२ | उज्यालो सहकर्मी

काठमाण्डौ – नेपाल विद्युत् प्राधिकरणले काठमाण्डौ उपत्यकालगायत देशका कुनै पनि ठाउँमा घोषित वा अघोषित रूपमा विद्युतको कटौती नभएको बताएको छ । प्राधिकरणले प्राविधिक समस्याका कारण केही समय कहीँ कतै बिजुली बत्ती काटिएको भए पनि त्यसलाई लोडशेडिङको रूपमा नबुझ्न आग्रह गरेको हो ।

उपभोक्तालाई गुणस्तरीय, भरपर्दाे र आवश्यकताअनुसारको बिजुली उपलब्ध गराउन प्रसारण तथा वितरण लाइन र सब–स्टेशन सुदृढीकरणका लागि प्रयास भइरहेको प्राधिकरणले दाबी गरेको छ । प्रसारण तथा वितरण लाइन र सब–स्टेशन सुदृढीकरणका लागि चालिएका कदमबाट छिनछिनमा बत्ती जाने ट्रिपिङको समस्या घट्दै गएको समेत प्राधिकरणले दाबी गरेको छ ।

प्राधिकरणका कायम मुकायम कार्यकारी निर्देशक हितेन्द्रदेव शाक्यले सडक तथा खानेपानी पाइप विस्तारका कारण भूमिगत केबलमा क्षति पुग्ने, केही स्थानमा पोल तथा टान्सर्फमर सार्नुपर्ने लगायतका प्राविधिक कारणले त्यस आसपासका क्षेत्रमा केही समय विद्युत् कटौती भएको हुन सक्ने बताउनुभयो । उहाँले समस्या देखिएका सब–स्टेशनको पहिचान गरी सुधार गर्न, त्यहाँको लोड अन्त सार्ने लगायतका काम निरन्तर भइरहेको पनि जानकारी दिनुभयो ।

स्थानीय माग धान्न नसक्ने अवस्थामा ओभरलोड रहेका ट्रान्सफर्मर फेर्ने, बिदाको दिन लाइन सुधार गर्ने र त्यसका लागि लाग्ने समय घटाउने लगायतका काम गर्दै विद्युत् आपूर्तिमा सुधार गर्ने काम भइरहेको शाक्यले बताउनुभयो ।

प्राधिकरणको तथ्याङ्कअनुसार विद्युतको माग सबैभन्दा धेरै हुने काठमाण्डौ उपत्यकामा यस वर्षको मङ्सिरमा ३४७ पल्ट ट्रिपिङ भएको छ । काठमाण्डौ उपत्यका र यस आसपासका जिल्लामा विद्युत् आपूर्ति गर्ने १४ वटा सब–स्टेशनमा ट्रिपिङ हुँदा २२ घण्टा विद्युत् अवरोध भएको प्राधिकरणले जनाएको छ । गएको वर्षको मङ्सिरमा ५ सय ७७ पटक ट्रिपिङ भइ ६५ घण्टा विद्युत् आपूर्ति बन्द भएको प्राधिकरणको विवरणमा उल्लेख छ ।

पछिल्लाे केही महिनायता ग्राहकहरूले पटक–पटक बत्ती जाने गरेकाे गुनासाे गर्दै आइरहेका छन् तर प्राधिकरण भने हप्तैपिच्छे विज्ञप्ति निकाल्दै लाेडशेडिङ भएकाे नमान्न आग्रह गर्दै आइरहेकाे छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्