काठमाण्डौ – नेपालमा पीसीआर परीक्षणकाे सङ्ख्या २० लाख नाघेको छ । पछिल्लो २४ घण्टामा पाँच हजार ३२ जनाको पीसीआर परीक्षण भएसँगै कुल सङ्ख्या २० लाख दुई हजार ४१ पुगेको स्वास्थ्य तथा जनसङ्ख्या मन्त्रालयले जनाएको छ । 

यस्तै पछिल्लाे २४ घण्टामा चार सय तीन जनामा काेराेना भाइरसकाे सङ्क्रमण पुष्टि भएकाे छ । याेसँगै कुल सङ्क्रमितकाे सङ्ख्या दुई लाख ६६ हजार पाँच सय ४६ पुगेकाे स्वास्थ्य तथा जनसङ्ख्या मन्त्रालयले जनाएकाे छ ।

साथै पछिल्लाे २४ घण्टामा चार सय पाँच जना निकाे भएसँगै सङ्क्रमणमुक्त हुनेकाे कुल सङ्ख्या दुई लाख ६० हजार एक सय ७७ पुगेकाे छ । 

थप ६ जना सङ्क्रमितकाे ज्यान गएसँगै काेराेनाका कारण ज्यान गुमाउनेकाे सङ्ख्या एक हजार नाै सय ४३ पुगेकाे छ । 

बिहीवारसम्म चार हजार चार सय २६ जना सक्रिय सङ्क्रमित आइसाेलेशनमा रहेका छन् भने दुई सय ३१ जना क्वरेण्टीनमा रहेका छन् ।