चिनी मिलका सञ्चालक अग्रवाल पक्राउ, आठ करोड रुपैयाँ बक्यौता बाँकी

माघ १५, २०७७ बिहीबार १७:१०:४४ | उज्यालो सहकर्मी

काठमाण्डाै – उखुको बक्यौता रकम भुक्तानी नगर्ने अन्नपूर्ण तथा इन्दिरा चिनी मिलका सञ्चालक राकेश अग्रवाल पक्राउ परेका छन् ।

जिल्ला प्रहरी कार्यालय सर्लाहीको पत्रका आधारमा अग्रवाललाई काठमाण्डौको त्रिपुरेश्वरमा रहेको निवासबाट पक्राउ गरिएको नेपाल प्रहरीका प्रवक्ता तथा प्रहरी वरिष्ठ उपरीक्षक (एसएसपी) वसन्तबहादुर कुँवरले जानकारी दिनुभयो ।

बुधवार बेलुका पक्राउ परेका उद्योगी अग्रवाललाई कारबाहीका लागि बिहीवार सर्लाही पठाइएको पनि उहाँले बताउनुभयो । अग्रवालविरुद्ध जिल्ला प्रहरी कार्यालय सर्लाहीमा ठगीसम्बन्धी उजुरी परेको छ ।

सर्लाहीका उखु किसानले १७ करोड रुपैयाँ दाबी गर्दै अग्रवाललाई पक्राउ गर्न दिएको निवेदनका आधारमा काठमाण्डौबाट पक्राउ गरि थप अनुसन्धानका लागि सर्लाही पठाइएको हो । अग्रवाल सञ्चालक रहेको दुई वटा चिनी मिलले उखु किसानलाई आठ करोड रुपैयाँभन्दा बढी बक्यौता रकम भुक्तानी गर्न बाँकी छ ।

चिनी उद्योगले उखुको बक्यौता रकम भुक्तानी नगरेको भन्दै किसानले गएको मङ्सिर २८ गतेदेखि काठमाण्डौमा आन्दोलन गरेका थिए । किसान र उद्योग, वाणिज्य तथा आपूर्ति मन्त्रालयबीच पुस १३ गते २१ दिनभित्र बक्यौता रकम भुक्तानी गर्ने सहमति भएको थियो तर चिनी उद्योगले अझै उखु किसानको सबै बक्यौता रकम भुक्तानी गरेका छैनन् ।

यसअघि बक्यौता रकम भुक्तानी नगरेको भन्दै लुम्बिनी चिनी मिलका सञ्चालक मनोज अग्रवाललाई प्रहरीले वीरगञ्जबाट पक्राउ गरेको थियो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चिनी मिलका सञ्चालक अग्रवाल पक्राउ, आठ करोड रुपैयाँ बक्यौता बाँकी

प्रतिकात्मक तस्बिर

तपाईको प्रतिक्रिया