आम हड्तालमा भएकाे नाेक्सानकाे क्षतिपूर्ति सरकारले बेहाेर्छ : उपप्रधानमन्त्री पाेखरेल

माघ २३, २०७७ शुक्रबार १६:३२:१० | उज्यालो सहकर्मी

काठमाण्डाै – उपप्रधानमन्त्री तथा नेपाल कम्युनिस्ट पार्टी (नेकपा) काे केपी शर्मा ओली पक्षका सचिवालय सदस्य ईश्वर पोखरेलले नेकपा प्रचण्ड–माधव पक्षले बिहीवार गरेको आम हड्तालमा भएको क्षतिको सरकारले क्षतिपूर्ति गर्ने बताउनुभएको छ ।

शुक्रबार नेपाल कम्युनिस्ट पार्टी (नेकपा) केपी शर्मा ओली पक्षले काठमाण्डाैमा आयोजना गरेको जनसभामा बोल्दै उपप्रधानमन्त्री पोखरेलले बिहीवारको आम हड्तालमा भएको क्षतिको क्षतिपूर्ति सरकारले गर्ने बताउनुभएको हो । काठमाण्डाैमा तोडफोड भएको ट्याक्सीको क्षतिपूर्ति सरकारले गर्ने उहाँको भनाइ छ । उहाँले नागरिकलाई दुःख दिने, लुट्ने लगायतको क्षतिको पनि सरकारले क्षतिपूर्ति गर्ने पनि बताउनुभयो ।

उपप्रधानमन्त्री पोखरेलले आफूहरूको लडाइँ अराजकताविरुद्ध भएको बताउनुभयो । आफूहरू देशलाई आर्थिक समृद्धितर्फ जान नचाहनेहरूको विरुद्ध, देशलाई अस्थिरतातर्फ लैजाने दुष्प्रयासकाे विरुद्ध लडाइँ लडिरहेकोले लडाइँलाई कमजोर हुन नदिने उहाँको भनाइ छ ।

उपप्रधानमन्त्री पोखरेलले नेकपाको आधिकारिकता आफूहरूले पाउने दाबी गर्नुभयो । केपी शर्मा ओलीले नेतृत्व गरेको नेकपाको आधिकारिकतालाई कसैले तोड्न नसक्ने उहाँको भनाइ छ । ओलीले नेतृत्व गरेको सूर्य चिह्न लिएर नागरिककाे ताजा जनमतमा जाने पनि उहाँको भनाइ छ ।

उपप्रधानमन्त्री पोखरेलले आजको ठाउँमा आइपुग्न नेकपाका अर्का अध्यक्ष पुष्पकमल दाहाल प्रचण्डको विगतदेखिकै अवसरवाद जिम्मेवार रहेको बताउनुभयो । जतिसुकै छलछाम र षड्यन्त्र गरे पनि आर्थिक समृद्धिको यात्रालाई कमजोर बनाउन नसक्ने उहाँको भनाइ छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्