संखुवासभाको उच्च हिमाली क्षेत्रमा बाक्लो हिमपात (फाेटाे फिचर)

माघ २६, २०७७ सोमबार १०:४७:५१ | नवीन गुरुङ

संखुवासभा - संखुवासभाको उच्च हिमाली क्षेत्रहरुमा बाक्लो हिमपातसँगै जनजीवन प्रभावित भएको हो । संखुवासभाको उत्तरी क्षेत्र चीनको सिमावर्ती किमाथाङ्का गाउँमा भारी हिमपात भएको हाे ।

सदरमुकाम खाँदबारीदेखि एक सय ६२ किमि टाढा रहेको किमाथाङ्का गाउँमा गएको मंसिर अन्तिम हप्तादेखि सामान्य हिमपात हुन सुरु भए पनि शनिवारदेखि भारी हिमपात सुरु भएको हो ।

केहिदिन अगाडिसम्म माथि-माथिका डाँडाहरूमा सामान्य हिउँ परे पनि अहिले तल गाउँसम्म नै भारी हिमपात भएको किमाथाङ्का प्रहरी चौकीका प्रहरी निरीक्षक टिकाराम राईले जानकारी दिनुभयो ।

उहाँले बर्सेनि किमाथाङ्का गाउँ र गाउँमाथिको छेसुम्बा गुम्बालगायतका डाँडाहरु करिब ६ महिनासम्म हिउँ झर्ने गरे पनि अहिले तलतल गाउँसम्म नै बाक्लो हिमपात भएको बताउनुभयो । ‘अहिले किमाथाङ्का प्रहरी चौकी र तल गाउँसम्म करिब ३ फिटभन्दा बढी हिउँ जमेको छ । घर बाहिर आवतजावत गर्न नै मुस्किल छ ’ प्रहरी निरीक्षक राईले भन्नुभयो ।

पटक/पटकका हिमपातका कारण लेकाली भेगमा बस्नेहरुकाे जनजीवन नै कष्टकर बनेको भोटखोला गाउँपालिका-१ किमाथाङ्काका वडाअध्यक्ष तेन्छेबी भोटेले बताउनुभयो । उहाँले हिमपातका कारण घरबाहिर निस्कन मुस्किल भइरहेको बताउनुभयो ।

‘चिसो र हिमपातका कारण घरभित्र नै आगो ताप्दै बस्नुबाहेक केही काम छैन् । चिसो र हिमपातले वयस्क जवानहरुभन्दा पनि बालबालिका र वृद्धवृद्धाहरुलाई निकै समस्या परेको छ ’वडाध्यक्ष भोटेले भन्नुभयो।

संखुवासभाका अन्य ठाउँहरुमा समेत बाक्लो हिमपात भएको छ । सदरमुकाम खाँदबारी र आसपासका क्षेत्रमा समेत चिसो ह्वात्तै बढेको छ । त्यसैगरी हटिया, चेपुवा, हुङहुङ र मकालु गाउँपालिकाको मांसिमा, सेदुवालगायतका ठाउँहरुमा सामान्य हिमपात र तुषारोका साथै चिसो ह्वात्तै बढेको स्थानीयहरुले बताएका छन् ।

त्यसैगरी संखुवासभाको दक्षिणी भेगमा रहेकाे टुटेदेउराली, गुफापोखरी, चौकी, मंगलबारेलगायतका तिनजुरे–मिल्के–जलजले (टिमएमजे) क्षेत्रमा समेत बाक्लो हिमपात भएको छ । त्यसका साथै सिलिचोङ गाउँपालिकाको सिसुवाटार, मानेटारलगायतका अग्लो भूभागमा समेत चिसो ह्वात्तै बढेको जनाएको छ ।

कोरोना भाइरसका कारण चीनसँग सिमाना जोडिएको किमाथाङ्का नाका चीन सरकारले पूर्णरुपमा नाका बन्द गरेको छ । गएको माघ ५ गतेदेखि बन्द भएको नाका अहिलेसम्म खुलाएको छैन् । किमाथाङ्का नाका बन्द गरेको कारणले आवतजावत ठप्प छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्