नेतृ झाँक्रीलाई हुन सक्छ सात वर्षसम्म कैद र ७० हजार जरिबाना

माघ २९, २०७७ बिहीबार १३:५९:१ | उज्यालो सहकर्मी

काठमाण्डौ – नेपाल कम्युनिस्ट पार्टी (नेकपा) को प्रचण्ड–माधव समूहकी नेतृ रामकुमारी झाँक्रीलाई प्रहरीले पक्राउ गरेको छ । प्रतिनिधि सभा विघटनको प्रसङ्गमा केही दिनअघि गोरखामा राष्ट्रपति विद्यादेवी भण्डारीविरुद्ध अभिव्यक्ति दिनुभएकी झाँक्रीलाई महानगरीय प्रहरी अपराध महाशाखाले उहाँको निवास शङ्खमुलबाटै पक्राउ गरेको हो ।

महाशाखाले थमाएको पक्राउ पुर्जीमा झाँक्रीलाई राज्यविरुद्धको कसुरअन्तर्गत दफा ५८ को कसुर अन्तर्गत अनुसन्धान गर्न पक्राउ गरिएको उल्लेख छ । यस कसुरअन्तर्गतको मुद्दामा सात वर्षसम्म कैद ७० हजार रुपैयाँ जरिबाना वा दुवै सजाय हुन सक्ने उल्लेख छ ।

मुलुकी अपराध संहिता २०७४ को दफा ५८ अनुसार यदि राज्यविरुद्धका कसुर प्रमाणित भएमा झाँक्रीलाई सात वर्षसम्म कैद या ७० हजार रुपैयाँ जरिबाना या दुवै सजाय हुन सक्नेछ ।

झाँक्रीले गोरखामा राष्ट्रपति विद्यादेवी भण्डारीलाई राजनीति गर्ने भए शितल निवास छाडेर नागरिकको माझमा आउन भन्दै विभिन्न आरोप लगाउनुभएको थियो । झाँक्रीको अभिव्यक्तिपछि उहाँलाई पक्राउ गर्न प्रधानमन्त्री केपी ओली पक्षका नेता कार्यकर्ताले प्रहरीलाई दबाब दिँदै आएका थिए ।

राष्ट्रपति र प्रधानमन्त्रीको आलोचना गरेकै भरमा राज्य विरुद्धको आरोप लगाएर पक्राउ गर्नु गलत भएको भन्दै विभिन्न दलका नेता र कानुनविद्ले सरकारको विरोध गरेका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेतृ झाँक्रीलाई हुन सक्छ सात वर्षसम्म कैद र ७० हजार जरिबाना

फाइल फाेटाे

तपाईको प्रतिक्रिया