रामकुमारी झाँक्रीलाई तत्काल रिहा गर्न प्रचण्ड–नेपाल समूहकाे माग

माघ २९, २०७७ बिहीबार १५:१२:५९ | उज्यालो सहकर्मी

काठमाण्डाै – नेपाल कम्युनिस्ट पार्टी (नेकपा) को प्रचण्ड–नेपाल समूहले नेतृ रामकुमारी झाँक्रीलाई तत्काल रिहा गर्न माग गरेको छ । प्रवक्ता नारायणकाजी श्रेष्ठले विज्ञप्तिमार्फत बोलेकै भरमा कुनै पनि व्यक्तिलाई पक्राउ गर्नु राज्यको मनलाग्दी कार्य भएको र यसले कानुनी शासनको खिल्ली उडाएको बताउनुभएको छ ।

राजनीतिक आलोचनालाई राज्यविरुद्धको कसुर देख्नु गम्भीर पूर्वाग्रह र स्वेच्छाचारिता भएको विज्ञप्तिमा उल्लेख छ । विज्ञप्तिमा संविधानले दिएको अभिव्यक्ति स्वतन्त्रताको हकलाई राज्यले खोस्न नमिल्ने भन्दै पक्राउको निन्दा तथा भत्सर्ना गरिएको छ ।

‘नेपालकाे संविधानले प्रत्याभूत गरेकाे अभिव्यक्ति स्वतन्त्रताकाे खिल्ली उडाउँदै गरिएकाे यस गिरफ्तारीले वर्तमान सरकारकाे घाेर अलाेकतान्त्रिक, निरङ्कुश र सर्वसत्तावादी चरित्रलाई उदाङ्गाे पारेकाे छ’, विज्ञप्तिमा भनिएकाे छ ।

केही दिनअघि गोरखामा भएको कार्यक्रममा राष्ट्रपतिबारे गरेको टिप्पणीलाई लिएर प्रहरीले झाँक्रीलाई पक्राउ गरेको हो । झाँक्रीलाई राज्यविरुद्धको कसुर गरेको भन्दै पक्राउ गरिएको हो ।

राष्ट्रपति र प्रधानमन्त्रीको आलोचना गरेकै भरमा राज्य विरुद्धको आरोप लगाएर पक्राउ गर्नु गलत भएको भन्दै विभिन्न दलका नेता र कानुनविद्ले सरकारको विरोध गरेका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Ram Hari
June 20, 2022, 11:22 p.m.
कसैलाई केको चिन्ता, कसैलाई केको चिन्ता, मुसालाई खानको चिन्ता!!:👉️
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रामकुमारी झाँक्रीलाई तत्काल रिहा गर्न प्रचण्ड–नेपाल समूहकाे माग

फाइल तस्बिर

1 Comments

Ram Hari

तपाईको प्रतिक्रिया

तपाईको प्रतिक्रिया