नारायणगढ-मुग्लिङ सडकखण्ड आजदेखि एक हप्ता बन्द

 फागुन २३, २०७७ आइतबार ८:३८:३३ | उज्यालो सहकर्मी
unn.prixa.net

काठमाण्डाै - नारायणगढ-मुग्लिङ सडकखण्ड आजदेखि एक हप्ता दिउँसो बन्द गरिने भएको छ ।

पहिरो रोकथामको बाँकी काम गर्नका लागि आजदेखि २९ गतेसम्म बिहान साढे  १० बजेदेखि दिउँसो ३ बजेसम्म दुईतर्फी नै आवागमन बन्द गरिने आयोजनाले जनाएको छ ।

नारायणगढ-मुग्लिङ सडक आयोजनाले सूचना निकालेर सडकखण्डअन्तर्गत चारकिलोमा पहिरो रोकथामका आवश्यक बाँकी काम गर्नका लागि सडक बन्द गर्न लागिएको जनाएको छ । आयोजनाका इञ्जिनियर सबिना रानाभाटले अत्यावश्यक सेवाबाहेक सबै गाडीको आवागमन रोकिने जानकारी दिनुभयो ।

गएको असार पहिलो हप्ता पहिराेले बगाएको क्षेत्रमा काम गर्न लागिएको हो । सडकखण्डमा ८५ प्रतिशत पहिरो रोकथामको काम सकिएको आयोजनाले जनाएको छ । सडक मर्मतका गर्ने क्रमममा नारायणढतर्फबाट गएका गाडीलाई जलबिरेमा र मुग्लिङतर्फबाट आएका गाडीलार्ई शान्तिबजारमा रोकिने छ ।

आयोजनाले सडक मर्मत गर्ने अवधिमा  वैकल्पिक सडकमार्ग प्रयोग गर्नसमेत आग्रह गरेको छ । 
 

अन्तिम अपडेट: जेठ २९, २०७८

1 Comments

  • AMRIT KARKI

    March 8, 2021, 11:49 a.m.

    १००० दिएको भए लिन्थे कि ? कम भएर समाएछ /

  •  0 Reply

तपाईको प्रतिक्रिया