मिडिल तमोर जलविद्युत् आयोजनामा कार्यरत दुई मजदुरको ज्यान गयो

फागुन २३, २०७७ आइतबार ९:३७:२० | केशवप्रसाद भट्टराई

ताप्लेजुङ - ताप्लेजुङको निर्माणाधीन ७३ मेगावाटको मिडिल तमोर जलविद्युत आयोजनाको सुरुङमा काम गर्ने दुईजना मजदुरको ढुङ्गाले किचेर ज्यान गएकाे छ ।

उदयपुरका २२ वर्षीय अमर विश्वकर्मा र भोजपुरका २८ वर्षीय सन्तोष बानियाँको शनिवार दिउँसो ज्यान गएकाे हाे। आयोजनाका जनसम्पर्क अधिकृत करण गौतमकाअनुसार शनिवार दिउँसो सुरुङ खन्ने क्रममा ढुंगाले किचेर उनीहरुको ज्यान गएकाे हाे ।

सुरुङ निर्माण गर्ने क्रममा सपोर्ट लगाइरहेको समयमा माथिबाट लडेको ढुङ्गाले किचेर उनीहरुकाे घटनास्थलमै ज्यान गएकाे आयोजनाका भू-गर्भविद् सूर्य लिम्बुले बताउनुभयो । मिक्वाखोला गाउँपालिका-२ को थुम्वाबाट फक्ताङ्लुङ गाउँपालिका-१ सावादिनतर्फ सुरुङ खन्ने क्रममा दुर्घटना भएको लिम्बुले जानकारी दिनुभयो । उनीहरुसँगै काम गरिरहेका अरु कामदार भने सकुशल रहेको लिम्बुको भनाइ छ ।

सम्पर्क अधिकृत गौतमकाअनुसार आयोजनाको १ हजार ३ सय ९७ मिटर सुरुङ निर्माण भएको छ । मिक्वाखोलामा आउटलेट र फक्ताङलुङमा हेडबक्स छ । याे आयोजना सानिमा मिडिल तमोर हाइड्रोपावर लिमिटेड कम्पनीले निर्माण गरिरहेको छ ।

२०७४ सालमा निर्माण सुरु भएको आयोजना २०७८ मा सक्ने लक्ष्य छ । सुरुङ ३ हजार ३ सय ६७ मिटर निर्माण गर्नुपर्ने आयोजनाले जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्