जग्गाधनी बेल्जियममा, दलालले नक्कली नागरिकता र लालपुर्जा बनाएर काठमाण्डौको २० आना जग्गा बेचिदिए

 फागुन २३, २०७७ आइतबार १३:५२:३५ | उज्यालो सहकर्मी
unn.prixa.net

साङ्केतिक तस्बिर, सामाजिक सञ्जाल

काठमाण्डौ – नक्कली कागजात बनाएर म्याग्दीकी मीना खड्काको नाममा रहेको काठमाण्डौको जग्गा बेच्ने नौ जना पक्राउ परेका छन् । 

बेल्जियममा बस्ने म्याग्दीकी मीना खड्काको नक्कली नागरिकता र लालपुर्जा बनाएर उनको नाममा रहेको थानकोटको २० आना जग्गा बेचेको आरोपमा प्रहरीले नौ जनालाई पक्राउ गरेको हो । यो मुद्दामा केही व्यक्ति पहिले नै पक्राउ परिसकेका र थप नौ जना अहिले पक्राउ परेका महानगरीय प्रहरी परिसर काठमाण्डौले जनाएको छ । 

प्रहरीले अहिले काठमाण्डौका विजयकुमार खड्का, धादिङको नीलकण्ठका बालप्रसाद भट्ट, काभ्रेका रामचन्द्र पुडासैनी, सङ्खुवासभाका इन्द्रबहादुर घले, रामेछापका बालकृष्ण बुढाथोकी, सिन्धुपाल्चोकका लक्ष्मी घतानी, ओखलढुङ्गाका विजयप्रकाश सुनुवार, सिन्धुलीका कृष्णबहादुर दर्लामी र झापाका कृष्णबहादुर कटुवाललाई पक्राउ गरिएको जनाएको छ ।

दलालहरूले मीनाको जग्गा ७२ लाख रुपैयाँमा कृष्णगोपाल श्रेष्ठ र कृष्णभक्त माक श्रेष्ठलाई पास गरिदिएका थिए । दलालहरूले यही जग्गा काभ्रेका कुमार दाहालको नाममा पास गरिदिने भन्दै ३५ लाख रुपैयाँ बैना रकम लिइसकेका प्रहरीले जनाएको छ । 

यसै घटनामा यसअघि मालपोत कार्यालय कलङ्कीका कर्मचारीहरू दीपक दाहाल, नारायण श्रेष्ठ र दीपा पंज्ञानी अदालतबाट धरौटीमा रिहा भइसकेका छन् । फरार रहेका केहीको खोजी भइरहेको प्रहरीले जनाएको छ ।  

अन्तिम अपडेट: मंसिर ३०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई