वायु प्रदूषणबाट फोक्सो र आँखा जोगाउन विज्ञको सुझाव

बिहान ५ देखि ८ बजेसम्म घरबाहिर निस्कनु सबैभन्दा बढी जोखिम

चैत १५, २०७७ आइतबार १६:१८:५२ | उज्यालो सहकर्मी

काठमाण्डाै – काठमाण्डाै उपत्यकालगायत देशका धेरै ठाउँमा वायु प्रदूषण बढेकाले सतर्कता अपनाउन डाक्टरहरूले बताएका छन् । वायु प्रदूषणको मात्रा निकै बढेकोले आफ्नो फोक्सो र आँखा जोगाउन डाक्टरहरूले सुझाव दिएका छन् ।

वायु प्रदूषणले आँखाको नानी र कर्निआको बाहिरको सतहमा गम्भीर असर पार्नुका साथै छाती, घाँटी, फोक्सो र नाकसम्बन्धी विभिन्न सङ्क्रमण हुने भएकोले सावधानी अपनाउनुपर्ने छाती रोग विशेषज्ञ डाक्टर सुबोधसागर ढकालले बताउनुभयो ।

प्रदूषण बढेकाे बेलामा सकेसम्म घरबाहिर ननिस्कन र घरमा बस्दा पनि झ्याल, ढोका थुनेर बस्न डाक्टरहरूको सुझाव छ । बाहिर निस्कनै पर्ने भएमा उच्च गुणस्तरको मास्क र आँखामा चस्मा वा सन–ग्लास लगाउन डाक्टर ढकालको सुझाव छ । प्रदूषण बढेका बेलामा कन्ट्याक्ट लेन्सले आँखा थप सुख्खा बनाउने र घाउ बनाउने भएकोले कन्ट्याक्ट लेन्स प्रयोग गर्न नहुने उहाँले बताउनुभयो ।

सबैभन्दा बढी प्रदूषण बिहान पाँच बजेदेखि आठ बजेसम्म हुने भएकाले त्यसबेला सकेसम्म घरबाहिर नै ननिस्कन विज्ञहरूको सुझाव छ । यही शुक्रवारदेखि काठमाण्डाै उपत्यकालगायतका ठाउँको आकाशमा देखिएको बाक्लो तुवाँलो अझै केही दिन रहने मौसम पूर्वानुमान महाशाखाले जनाएको छ ।

धेरैजसो जिल्लामा डढेलो लागिरहेको र लामो समय खडेरी पर्नुका साथै हावा नचेलेका कारणले बढेको प्रदूषण अझै दुई/तीन दिन रहने मौसमविद् विभूति पोखरेलले बताउनुभयो । प्रदूषित वायुमण्डल सफा हुनका लागि कि वर्षा हुनुपर्छ वा हावा चल्नुपर्छ तर अहिले त्यो भएको छैन ।

गएको शुक्रवार काठमाण्डौ उपत्यकाभित्र र बाहिर दुवैतर्फको फोहर काठमाण्डौ भित्रिएकाले प्रदूषण बढेको हो । अहिलेको समयमा बिहान सूर्यको प्रकाश सतहमा पर्छ । जसका कारण जमिन तात्छ अनि तातो हावा माथि जान्छ । वरिपरि तातो हावा बहन्छ अनि यहाँको प्रदूषण बाहिरिन्छ ।

गएको शुक्रवार जमिनमा तातेको हावा माथि जान नपाएकाले वायुमण्डलको तल्लो तहमै सीमित रह्यो । काठमाण्डौ वरिपरिका जिल्लामा डढेलो पनि लागेकाले हावाले धुवाँ पनि भित्र ल्याइदियो । कचौरा आकारको उपत्यकाको प्रदूषण बाहिर जान नपाएकाले मौसम धुम्मिँदा प्रदूषण बढेको हो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वायु प्रदूषणबाट फोक्सो र आँखा जोगाउन विज्ञको सुझाव

बिहान ५ देखि ८ बजेसम्म घरबाहिर निस्कनु सबैभन्दा बढी जोखिम

फाइल फाेटाे

तपाईको प्रतिक्रिया