रुपन्देहीमा बसको ठक्करबाट प्युठानका दुई युवाको ज्यान गयो

 चैत २९, २०७७ आइतबार १७:२०:४५ | उज्यालो सहकर्मी
unn.prixa.net

रुपन्देही – रुपन्देहीमा बसले मोटरसाइकललाई ठक्कर दिँदा प्युठानका दुई युवाको ज्यान गएको छ ।

पूर्वबाट पश्चिम जाँदै गरेको ना ६ ख ९४१ नम्बरको बसले लु २४ प ९७६८ नम्बरको मोटरसाइकललाई आइतवार बिहान सालझण्डीमा ठक्कर दिँदा प्युठानको झिमरुक गाउँपालिका १ सौतामारेका २१ वर्षका सञ्जय खनाल र वडा नम्बर १ आहालेका फिरोज केसीको ज्यान गएको जिल्ला ट्राफिक प्रहरी कार्यालय रुपन्देहीले जनाएको छ ।

दुवै जना बुटबलमा उच्च शिक्षा पढ्दै थिए । उनीहरू गए राति साथीको कोठामा पढ्न भनेर सालझण्डी गएका थिए । आइतवार बिहान बुटबल फर्कने क्रममा बसले ठक्कर दिएको प्रहरीले जनाएको छ ।  

तस्बिर : विमलप्रसाद पाेखरेल

अन्तिम अपडेट: बैशाख २६, २०७८

तपाईको प्रतिक्रिया