आकाश खुल्यो तर प्रदूषण उस्तै

वैशाख ५, २०७८ आइतबार ११:८:२८ | उज्यालो सहकर्मी

काठमाण्डाै - देशका धेरैजसो ठाउँमा मौसम सफा भएसँगै आकाश खुलेको छ ।

अहिले गण्डकी, कर्णाली र सुदूरपश्चिमका उत्तरी क्षेत्रको आकाशमा मात्रै बादल लागेको जल तथा मौसम पूर्वानुमान महाशाखाले जनाएको छ ।

प्रदेश-१, प्रदेश-२, लुम्बिनी र वाग्मतीमा मौसम खुलेको हो । काठमाण्डौ उपत्यकासहित पहाडी र तराईका धेरै ठाउँमा मौसम सफा रहेको जल तथा मौसम पूर्वानुमान महाशाखाका मौसमविद् समिर श्रेष्ठले बताउनुभयो।विगत केही दिनदेखिको तुवाँलोका कारण देशभरको मौसम प्रभावित बनेको थियो।

केही दिनयता परेको पानी र बेलुकीपख चलेको हावाले आकाश खुल्न थालेको हो । आज बेलुकीपख पनि वाग्मतीसहित पहाडी र तराई क्षेत्रमा मौसम बद्ली हुने सम्भावना रहेको महाशाखाले जनाएको छ । आकाश खुले पनि वातावरण प्रदूषणको अवस्थामा भने सुधार आउन सकेको छैन।

देशका विभिन्न भागमा लागेको डढेलोका कारण गएको चैत १३ गतेदेखि काठमाण्डौ उपत्यकामा प्रदूषण बढेको थियो । वातावरण प्रदूषणको मात्रा मापन गर्ने सूचक एक्यूआईमा अहिले पनि काठमाण्डौ पहिलो प्रदूषित सूचीमा रहेको छ । काठमाण्डौको आज बिहान दश बजेको एक्यूआई एक सय ६८ रहेको छ।

बुटवलको एक सय ५२ रहेको छ । डब्ल्यूएचओले एक्यूआई ३५ सम्मलाई स्वस्थ अर्थात राम्रो ५१ देखि १ सयसम्मलाई सामान्य, २ सय एकभन्दा माथिलाई धेरै अस्वस्थकर ३ सय एकभन्दा माथिलाई घातक मापदण्ड तोकेको छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्