एमालेका सबै आधिकारिक कमिटी बिउँताऔँ, कारबाहीले समस्या समाधान हुँदैन : गोकर्ण विष्ट

वैशाख ७, २०७८ मंगलबार १५:३१:४४ | उज्यालो सहकर्मी

काठमाण्डाै – नेकपा एमालेका नेता गोकर्ण विष्टले कारबाहीले पार्टीको समस्या समाधान नहुने बताउनुभएको छ । प्रधानमन्त्री केपी शर्मा ओलीले मङ्गलवार (आज) थप ३२ जना नेतालाई चेतावनीसहितको स्पष्टीकरण सोधेपछि नेता विष्टले पार्टीको विवाद कारबाहीले समाधान नगर्ने भन्दै सबै आधिकारिक कमिटी बिउँताउन आग्रह गर्नुभएकाे हाे ।

सामाजिक सञ्जाल फेसबुकमा नेता विष्टले भन्नुभएको छ, ‘विगत केही समययता नेकपा एमालेमा देखापरेका समस्याहरूको समाधानका लागि संयमित र जिम्मेवारीपूर्ण पहल गर्नुको साटो एकपछि अर्को एकतर्फी र विना कारण सांसदहरूमाथि कारबाहीका घटनाहरू अघि बढाइएको छ । यस्ता कारबाहीका शृङ्खलाहरूले पार्टी एकतामा गम्भीर सङ्कट पैदा गरेको छ । संवादहीनता र कारबाहीको बाटो कुनै पनि हालतमा समाधान हुन सक्दैन । यसर्थ एमालेका नेता, कार्यकर्ता, समर्थक र शुभचिन्तकको चाहना बमोजिम एकतापूर्वको एमालेका सम्पूर्ण आधिकारिक कमिटीहरू बिउँताएर विधिमार्फत समाधान खोज्न म आग्रह गर्दछु । पार्टी एकताको रक्षा गरौँ ।’

नेता विष्टले सर्वाेच्च अदालतको फैसलाअनुसार एमालेलाई नेकपा एकतापूर्वको अवस्थामा फर्काएर पार्टीलाई विचार र विधिबाट सञ्चालन गरेर नै एकता जोगाउन सकिने बताउनुभएकाे छ । उहाँले एउटा इमानदार कार्यकर्ताका लागि पदीय हैसियतभन्दा पार्टी र आन्दोलनको भविष्य सधैँ माथि हुनेमा जाेड दिनुभएकाे छ ।

स्पष्टीकरण पत्रमा पार्टीको विधानमा उल्लेख भएअनुसार ३२ जना नेताहरूले नयाँ दल गठन गरेको मानिएकाले तपाईँहरूलाई सांसद पद र पार्टी सदस्यबाटै किन नहटाउने ? भनेर प्रश्न गरिएको छ ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एमालेका सबै आधिकारिक कमिटी बिउँताऔँ, कारबाहीले समस्या समाधान हुँदैन : गोकर्ण विष्ट

फाइल फाेटाे

तपाईको प्रतिक्रिया