दाङको कोरोना अस्पताल बेलझुण्डीमा अक्सिजन अभाव, बिरामीकाे ज्यान जाेखिममा

वैशाख १९, २०७८ आइतबार १३:१२:३३ | हेमराज शर्मा

दाङ – दाङको कोरोना विशेष अस्पताल बेलझुण्डीमा अक्सिजनको अभाव भएको छ । शनिवारमात्रै अस्पतालमा शय्या (बेड) थपिए पनि अक्सिजन सकिएको अस्पतालले जनाएको छ । अहिले कोरोना विशेष अस्पतालमा एक सिलिन्डर पनि अक्सिजन नभएको अस्पताल व्यवस्थापक दोर्ण वलीले जानकारी दिनुभयो ।

अक्सिजन सकिएको र आफूले सम्बन्धित निकायमा शनिवार (हिजो) नै जानकारी गराए पनि अहिलेसम्म आपूर्ति नभएको वलीले बताउनुभयो । काेरोना अस्पताल बेलझुण्डीमा अक्सिजन छैन, स्थिति सङ्कटपूर्ण भइ सक्यो व्यवस्थापक वलीले भन्नुभयो अक्सिजन खोजौँ, बेलझुण्डी पुर्‍याऔँ, बिरामीकाे जीवन रक्षामा सबै लागाैँ । आज (आइतबार) मात्रै दुई जना बिरामीको ज्यान गएको छ । अहिले अस्पतालमा ५८ जनाको उपचार भइरहेको छ ।

पीसीआरका लागि तुलसीपुरमै स्वाब सङ्कलन सुरु

कोरोना सङ्क्रमण भए/नभएको परीक्षणका लागि अब दाङको तुलसीपुरमै स्वाब सङ्कलन गर्न थालिएको छ । तुलसीपुरमा रहेको मेट्रो सीटी पोलिक्लिनिक प्रालीले कोरोना परीक्षणका लागि स्वाब सङ्कलनको काम सुरु गरेको हो ।

पीसीआर परीक्षणका लागि घोराही वा अन्य ठाउँमा जानुपर्ने बाध्यतालाई मध्यनजर गरी तुलसीपुरमै स्वाब सङ्कलनको व्यवस्था गरिएको पोलिक्लिनिकका सञ्चालक वसन्त योगीले जानकारी दिनुभयो ।

पाेलिक्लिनिकले तुलसीपुरको अरनिको मैदानमा आज ८ देखि १२ बजेसम्म स्वाब सङ्कलन गरिरहेको छ । भोलिबाट त्यही ठाउँमै दैनिक बिहान ७ देखि १२ बजेसम्म स्वाब दिन सकिने उहाँले बताउनुभयाे ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्