मौसममा बदली : शुक्रबार धेरै ठाउँमा पानी पर्ने सम्भावना

जेठ १८, २०७५ शुक्रबार ८:५६:६ | उज्यालो सहकर्मी

काठमाडौं, जेठ १८ – देशका विभिन्न ठाउँको मौसम बदली भएर केही ठाउँमा पानी परिरहेको छ । भारतको बिहारमा बनेको न्यूनचापीय रेखा र पश्चिमी वायुको प्रभावले देशभरीकै मौसम बदली भई केही ठाउँमा पानी परेको मौसमविद् मञ्जु बासीले जानकारी दिनुभयो ।

उहाँका अनुसार यसकै प्रभावले शुक्रबार एकैछिन मौसम खुलेपनि फेरि बदली भई केही ठाउँमा पानी पर्नेछ । तर झरिको संभावना भने कम छ । प्रि मनसुनी गतिविधि सक्रिय हुँदा यो महिना धेरै ठाउँमा औसतभन्दा बढी पानी परेको छ । पश्चिमी न्यूनचापीय प्रणालीको आवृत्ति बढी भएको र पूर्वी वायु सतही रुपमा बसेकाले यो महिना धेरै ठाउँमा औसतभन्दा बढी पानी परेको जल तथा मौसम पूर्वानुमान महाशाखाले जनाएको छ । महाशाखाका मौसमविद् सुवास रिमालका अनुसार गएको वैशाख १८ गतेदेखि हिजोसम्ममा सुर्खेतमा सबैभन्दा धेरै पानी परेको छ ।

सुर्खेतमा औसतको १ सय ७८ प्रतिशत, भैरहवामा १ सय ६८, नेपालगञ्जमा १ सय ३०, काठमाडौंमा १ सय २५, ओखलढुंगामा १ सय ७, पोखरामा १ सय २ र ताप्लेजुङमा सय प्रतिशत पानी परेको छ ।

यसअघि चैत महिनामा पनि धेरै ठाउँमा औसतभन्दा धेरै पानी परेको थियो । यस्तै, जुम्लामा ९२ प्रतिशत, विराटनगरमा ७६, धनकुटामा ७१, धनगढीमा ६१, दिपायलमा ५९ र डडेलधुरामा ३९ प्रतिशत पानी परेको छ । यो वर्ष मनसुन याममा पनि औसत पानी पर्ने देखिएको उहाँले जानकारी दिनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्