नेपाल मेडिकल कलेजमा १३ वटा सिलिन्डरबाट ९० जनालाई अक्सिजन दिइँदै, ‘थप अक्सिजनको पर्खाइ’

वैशाख २८, २०७८ मंगलबार १८:१७:१३ | उज्यालो सहकर्मी

काठमाण्डाै – नेपाल मेडिकल कलेज शिक्षण अस्पताल अत्तरखेल जोरपाटीमा कोरोना सङ्क्रमणका बिरामीका लागि अक्सिजनको चरम अभाव भएको छ ।

अस्पतालले मङ्गलवार बिहान सूचना निकालेर दिउँसो ४ बजेसम्म मात्रै अक्सिजनले धान्न सक्ने भएकाले कोरोनाका बिरामी डिस्चार्ज गरिने जानकारी दिएको थियो । अस्पतालले सीसीएमसी र सरोकारवालालाई अनुरोध पनि गरेको थियो । अक्सिजन अभावमा अस्पतालमा रहेका ९० जना बिरामी जोखिममा छन् ।

दिनभरिको दौडधुपपछि सीसीएमसीको पहलमा बल्लतल्ल १३ सिलिन्डर अक्सिजन आइपुगेको र त्यसैले ९० जना बिरामीलाई पुर्‍याउने कोसिस भइरहेको प्रमुख प्रशासकीय अधिकृत ज्योति खड्काले उज्यालोलाई जानकारी दिनुभयो । यसले पनि अब एक घण्टालाई मात्रै धान्ने र फेरि हाहाकार हुने खड्काको भनाइ छ ।

अस्पतालले अक्सिजन लिँदै आएको सोपान उद्योग ललितपुरको मेशिन बिग्रिएका कारण आज बिहानदेखि आपूर्ति बन्द भएको थियो । अहिले मेशिन बनिसकेकाले केही घण्टापछि अक्सिजन आउन सक्ने खड्काले बताउनुभयो ।

तर नेपाल मेडिकल कलेजमा दैनिक दुई सय ५० थान अक्सिजन सिलिन्डर चाहिनेमा सीसीएमसीले जम्मा एक सय थानको कोटा दिएको पनि प्रशासकीय अधिकृत खड्काको गुनासो छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्