स्वास्थ्य आपत्काल घोषणा भयो भने के हुन्छ ?

जेठ १२, २०७८ बुधबार ८:४१:३१ | उज्यालो सहकर्मी

काठमाण्डौ – सरकारले स्वास्थ्य आपत्काल घोषणा हुन सक्ने संकेत दिएको छ ।

मंगलबार कोभिड–१९ संकट व्यवस्थापन केन्द्र (सीसीएमसी)को निर्देशन समितिको बैठकमा भर्खरै जारी भएको कोभिड व्यवस्थापन सम्बन्धी अध्यादेशबारे छलफल भएको छ । यो अध्यादेशमा स्वास्थ्य आपत्काल घोषणा गर्न सक्ने उल्लेख छ ।

‘कोभिड १९ को संक्रमणको कारण जनस्वास्थ्यमा गम्भीर प्रभाव पारेमा वा पर्न सक्ने देखिएमा त्यसकाे रोकथाम, नियन्त्रण, निदान र उपचारका लागि नेपाल सरकारले नेपाल राजपत्रमा सूचना प्रकाशन गरी नेपालभर वा नेपालको कुनै स्थानमा लागू हुने गरी कोभिड–१९ स्वास्थ्य आपत्काल घोषणा गर्न सक्नेछ’ कोभिड १९ सङ्कट व्यवस्थापन अध्यादेशको दफा ३ मा लेखिएको छ ।

स्वास्थ्य आपत्काल घोषणा भयो भने के हुन्छ त ?

स्वास्थ्य आपत्काल घोषणा भएमा के हुने भन्ने बारे अध्यादेशमा यस्तो व्यवस्था गरिएको छ :

– स्वास्थ्य संस्थालाई संक्रमितको निदान र उपचार गर्न लगाउने ।

– आवश्यकता अनुसार स्वास्थ्य संस्था नियन्त्रणमा लिई सञ्चालन गर्ने वा गराउने ।

– जुनसुकै स्वास्थ्य संस्थामा कार्यरत चिकित्सक वा स्वास्थ्यकर्मीलाई कोभिड १९ को निदान र उपचारको काममा लगाउने ।

– नेपाल सरकार, प्रदेश र स्थानीय तह वा प्रचलित कानूनबमोजिम स्थापित शिक्षण संस्था, प्रतिष्ठान, बोर्ड, संस्थान, सरकारी स्वामित्वका कम्पनी वा अन्य सार्वजनिक संस्था वा निकायमा कार्यरत जनशक्ति, सवारी साधन, भवन, संरचना वा अन्य भौतिक साधन कोभिड १९ को रोकथाम नियन्त्रण, निदान र उपचारमा लगाउने ।

– आवश्यकताअनुसार सरकारी, सार्वजनिक, निजी, सहकारी, सामुदायिक वा गैरसरकारी स्वामित्वमा रहेका जग्गा, भवन, संरचना र सवारी साधनको अभिलेख राखी प्रयोग गर्ने ।

– सरकारी, सार्वजनिक, निजी, सहकारी, सामुदायिक वा गैरसरकारी संस्थाबाट उत्पादन वितरण वा बिक्री गर्ने औषधि, स्वास्थ्य सामग्री तथा उपकरण नियन्त्रणमा लिई प्रयोग र वितरणको व्यवस्था गर्ने वा गराउने ।

यस्तै आवश्यक भएमा मानिस तथा गाडीको आवातजावत रोक्ने कुरा पनि अध्यादेशमा लेखिएको छ । दफा ४ मा आपतकाल घोषणा भएमा वा काेराेनाको संक्रमणको कारण जनस्वास्थ्यमा जोखिम देखिएमा त्यसको विश्लेषणका आधारमा विभिन्न संस्था तथा मानवीय क्रियाकलापलाई केही समयका लागि बन्द वा निश्चित आदेश दिएर सञ्चालनको आदेश दिनसक्ने व्यवस्था गरिएको छ ।

– मानिसको आवत जावत ।

– हवाई, स्थल तथा अन्य सबै प्रकारका यातायातका साधन सञ्चालन ।

– अन्तर्राष्ट्रिय सीमा नाकाबाट हुने आवागमन ।

– सरकारी, सार्वजनिक, निजी, सहकारी, सामुदायिक वा गैरसरकारी कार्यलय , शिक्षण संस्था वा अन्य संस्था सञ्चालन ।

– सभा, सम्मेलन, जुलुस, मेला, महोत्सव, जात्रा जस्ता भीडभाड हुने क्रियाकलाप ।

– सिनेमा हल, पार्टी प्यालेस, डान्सबार, रेष्टुरेन्ट, दोहोरी, नाचघर, क्लब, हेल्थ क्लब, जिम खाना, स्विमिङ पुल, डिपार्टमेन्ट स्टोर, पसल तथा बजार सञ्चालन ।

– धार्मिक अनुष्ठान, धार्मिक स्थलमा हुने क्रियाकलाप ।

– नामकरण संस्कार, विवाह, मृत्यु संस्कार जस्ता सांस्कृतिक क्रियाकलाप ।

– मानिस या सवारी साधनको आवागमन हुने वा भीडभाड हुने अन्य क्रियाकलाप ।

यस्ताे छ अध्यादेश :

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्