साउदी जाने यात्रुका लागि नयाँ नियम

जेठ १२, २०७८ बुधबार १०:५:२२ | उज्यालो सहकर्मी

काठमाण्डौ – कोरोना सङ्क्रमण रोकथामका लागि साउदी सरकारले आफ्नो देश प्रवेश गर्ने यात्रुका लागि नयाँ नियम जारी गरेको छ ।

साउदी सरकारले २४ मेदेखि लागू हुने गरी आफ्नो देशमा प्रवेश गर्ने यात्रुका लागि नयाँ नियम जारी गरेको हो ।

यस्तो छ नयाँ नियम

साउदी प्रवेश गर्दा ८ वर्षभन्दा माथिका सबैले पीसीआर परीक्षणको नेगेटिभ रिपोर्ट बोकेको या कोरोना विरुद्धको खोप दुवै डोज पूरा गरिसकेको आधिकारिक प्रमाण साथमा राखेको हुनुपर्नेछ । पीसीआर परीक्षण नेगेटिभ रिपोर्ट ७२ घण्टा भित्रको हुनुपर्नेछ ।

साउदीको अकामा भएका व्यक्तिले भने साउदी यात्रा गनुपूर्व स्वास्थ्य बिमा गनुपर्ने छैन ।

तर भिजिट भिसामा साउदी जानेले भने कोरोना सङ्क्रमणको उपचारसमेत कभर गर्ने किसिमको स्वास्थ्य बिमा गर्नुपर्नेछ । यस्तो बिमा कोरोनाको सङ्क्रमण उपचार क्लिनिक वा अस्पतालमा भर्ना गरी उपचार गराउँदा लाग्ने खर्च र १४ दिनको संस्थागत क्वरेण्टीन खर्चसमेत व्यहाेर्ने खालको हुनपर्छ ।

साउदी अरेबिया प्रवेश गर्ने सबै विदेशी नागरिकले साउदी पुगेपछि अनिवार्य ७ दिनको संस्थागत क्वरेण्टीन बस्नुपर्नेछ । तर दुवै डोज खोप लगाएकाहरूले भने क्वरेण्टीनमा बस्न पर्ने छैन । साउदीले संस्थागत क्वरेण्टीनको व्यवस्था यात्रु प्रवेश गरेको सहरमा नै व्यवस्था गरेको हुन्छ ।

संस्थागत क्वरेण्टीन बसेको समयमा कोरोना सङ्क्रमण देखिएमा क्वरेण्टीनको १० देखि १४ दिन सम्मको पनि हुन्छ ।

साउदीको अकामा भएका व्यक्ति साउदी प्रवेश गरेपछि संस्थागत क्वरेण्टीमा बस्दा बस्दै सङ्क्रमण भएर उपचार गर्नु परेमा सबै खर्च साउदी सरकारले नै गर्नेछ । तर भिजिट भिसामा साउदी गएका विदेशी नागरिकको हकमा भने व्यक्तिले गरेको स्वास्थ्य बिमाले नै कभर गर्नुपर्ने हुन्छ ।

यदि कसैले साउदी सरकारले जारी गरेको एकान्तवास तथा क्वरेण्टीनसम्बन्धि नियमको उलङ्घन गरेमा पुनः साउदी अरबमा आउन नपाउने गरी फिर्ता गर्ने साउदी सरकारले जनाएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्